Qeveria Gjermane i ka dhuruar sot Policisë së Shtetit shqiptar, 200 mijë euro automjete dhe pajisje të sofistikuara.
Në nënshkrimin e protokollit të dhurimit, përveç Ambasadores së Gjermanisë në Tiranë, Suzan Schutz dhe Drejtorit të Përgjithshëm të Policisë së Shtetit Ardi Veliu, i pranishëm ishte dhe ministrit të Brendshëm Sandër Lleshaj.
Gjatë takimit të zhvilluar në ambientet e Task Forcës Speciale Qendrore, u theksua edhe njëherë bashkëpunimi mjaft i mirë që ekziston mes dy vendeve në fushën e shkëmbimeve policore. Këto mjete do të përdoren kryesisht nga Policia Kriminale dhe Task Forca Speciale, e cila është ngritur për të luftuar grupet kriminale në Shqipëri ose jashtë vendit.
Ambasadorja Schutz u shpreh se kjo dhuratë tregon në mënyrë simbolike bashkëpunimin më të mirë mes dy shteteve.
