Ditën e sotme është festa e Kurban Bajramit, teksa zyrtarë të politikës kanë përcjellur urimet e tyre.
Presidenti i Republikës Ilir Meta ka qenë sot për vizitë në selinë e Komunitetit Mysliman Shqiptar me rastin e Kurban Bajramit, nga ku ka uruar familjet shqiptare, por ka dhënë një mesazh dhe për politikanët.
“I uroj çdo familjeje shqiptare në mënyrë që këto sakrifica të jashtëzakonshme që bëjnë të shpërblehen me mirësi, begati dhe në një të ardhme më të mirë për fëmijët e tyre”, uroi Kreu i Shtetit.
Gjithashtu kryetari i Partisë Demokratike, Sali Berisha, iu është bashkuar urimeve me rastin e festës së Kurban Bajramit.
Ai ka uruar besimtarët myslimanë, ndërsa ka postuar një foto ku shihet me bashkëshorten e tij, Liri Berisha.
MESAZHI: Gëzuar Kurban Bajramin.
Miq, sot besimtarët myslimanë ju urojmë nga zemra, Gezuar Kurban Bajramin. Sëbashku le t’i lutemi Zotit të madh që çdo sakrifikë dhe lutje tonë dhe të mbarë shqiptarve t’a pranojë dhe të na shpërblejë në mirësi, gëzime, shëndet dhe sukses, për ne, familjarë shqiptarve t’a pranojë dhe të na shpërblejë në mirësi. mirësi, gëzime, shëndet dhe sukses, për ne, shiptar familjar Gëzuar! sb
Kryeministri Edi Rama ka uruar besimtarët myslimanë për festën e Kurban Bajramit. Ai ka publikuar momente nga falja e namazit në xhaminë e re të Ballies në Elbasan.
“GËZUAR KURBAN BAJRAMIN🇦🇱
me faljen e besimtarëve për herë të parë në Xhaminë e re të Ballies në Elbasan🕌”, shkruan Rama.
Kryetarja e LSI-së, Monika Kryemadhi ka uruar besimtarët myslimanë me rastin e festës së Kurban Bajramit.
“Një nga vlerat më të mëdha që ka populli shqiptar, toleranca fetare. Në këtë ditë të shënuar të besimtarëve myslimanë, dua të uroj popullin shqiptar, që të gjejë qetësinë shpirtërore për të ngritur vlerat. Zoti na krijon mundësinë për të qenë vetëvetja, për të mos pasur frikë nga e keqja”, tha ajo.
