Fieri është tronditur nga një ngjarje e rëndë, ku i biri ka plagosur me thikë nënën e tij. Një 30-vjeçar, Klaudio Çobaj ka qëlluar me thikë nënën e tij Donika Çobaj. Mësohet se pas ngjarjes, autori është larguar nga banesa, por është arrestuar nga policia. Ndërkohë që janë shprehur për “News 24” fqinjtë e 50-vjeçares që u plagos mizorisht nga djali i saj.
Ai kishte rreth 20 ditë që ishte kthyer nga Gjermania. Fqinjët tregojnë se ishte familje shumë e mirë. “Djali s’ka qenë problematik dhe nuk janë dëgjuar debate më parë.
Nuk e kemi besuar kur dëgjuam çfarë kishte ndodhur. Sot dëgjuam fjalë, por nuk e pamë çfarë ka ndodhur”, thanë fqinjët. Sipas policisë Klaudio Çobaj e ka qëlluar disa herë me thikë nënën e tij në trup. 50-vjeçarja Donika Çobaj ka marrë plagë në të gjithë trupin, pasi i biri e ka qëlluar me thikë në qafë, bark, kofshë. Ajo është transportuar në spitalin e Fierit ku ndodhet në gjendje të rëndë për jetën.
Njoftimi i Policisë së Shtetit:
Informacion paraprak
Sot, rreth orës 09:00, në Dukas, Patos, në banesën e tij, shtetasi Klaudio Çobaj, 30 vjeç, ka plagosur me mjet prerës (thikë), nënën e tij, shtetasen D. Ç., 50 vjeçe, e cila ndodhet në spital nën kujdesin e mjekëve.
Grupi hetimor po punon për zbardhjen e rrethanave të ngjarjes dhe kapjen e 30-vjeçarit.
