4 të rinj në Fier janë arrestuar pasi kanë kundërshtuar forcat e policisë.
Bëhet me dije se efektivët po bënin një kontroll në një lokal, në bulevardin “Ramiz Aranitasi”, teksa 4 klientë kanë kundërshtuar punonjësit e Drejtorisë Vendore të Policisë Fier. Konkretisht kanë rënë në prangat e policisë personat: J. T., 20 vjeç, E. M., 23 vjeç, A. M., 22 vjeç dhe E. K., 20 vjeç.
Të katër të rinjtë që kanë kundërshtuar forcat e policisë janë banues në qytetin e Fierit. Kontrolli ishtë në kuadër të goditjes së goditjes së palgjshmërisë në subjekte. Ndërkohë materialet i kaluan Prokurorisë, për veprime të mëtejshme.
Njoftimi i Policisë së Shtetit:
Kundërshtuan punonjësit e Policisë, gjatë kryerjes së detyrës, vihen në pranga 4 shtetas.
Specialistët për Hetimin e Krimit Ekonomik e Financiar në DVP Fier arrestuan në flagrancë, për veprën penale “Kundërshtimi i punonjësit të policisë së rendit publik”, shtetasit J. T., 20 vjeç, E. M., 23 vjeç, A. M., 22 vjeç dhe E. K., 20 vjeç, banues në Fier, pasi në një lokal në bulevardin “Ramiz Aranitasi”, 4 të rinjtë, të cilët ishin klientë në lokal, kanë kundërshtuar punonjësit e Drejtorisë Vendore të Policisë Fier, të cilët kanë qenë duke ushtruar kontroll për paligjshmëri, në këtë subjekt.
Materialet i kaluan Prokurorisë, për veprime të mëtejshme.
