Shqiptarët sërish në qendër të vëmendjes së mediave italiane, këtë herë për shkak të një sherri të dhunshëm. Debati midis 2 shqiptarëve ka degraduar në dhunë në aeroportin ndërkombëtar të Umbrias, në Perugia të Italisë, teksa po prisnin për “chek in”.
Ndërkohë mediatitaliane raportojnë se shqiptarët po prisnin në radhë për të bërë check-in në aeroport, kur janë përballur me njëri-tjetrin, në orët e pasdites së djeshme. Bëhet e ditur se sherri ka degraduar në grushte e shkelma mes shqiptarëve, të cilët po prisnin për të fluturuar drejt Tiranës. Dëshmitarët nga vendngjarja janë shprehur se sherri ka nisur mes dy personave, ku njëri ka goditur bashkëkombasin e tij, i cili është shembur në tokë, por që ai ka vazhduar ta godasë me grushte.
Gjatë përleshjes së dhunshme ata përdorën mjete të mprehta dhe disa ndarës metalikë të vendosur ngjitur me sportelet në aeroportin ndërkombëtar të Umbrias, në Perugia të Italisë.
Më pas, në sherr janë përfshirë edhe persona të tjerë, ndërsa kanë ndërhyrë për t’i ndarë disa oficerë policie.
Ndërkohë që pasagjerët e tjerë kanë filmuar gjithçka dhe kanë thirrur ambulancën, e cila ka mbërritur për t’iu dhënë ndihmë mjekësore dy të plagosurve. Policia ka arrestuar tetë persona të përfshirë në sherr, ku siç raportojnë mediat fqinje, dyshohet se shkak kanë qenë pazaret e drogës.
