Tashmë shoferët do të jenë të monitoruarnga një ‘dron edukues”. Këtë e bëri të ditur Policia e Shtetit, e cila iu bën apel shoferëve për kujdes në rrugë, teksa publikon pamje të filmuara nga një dron, që e cilëson edukues.
“Droni edukues, pajisja më e re inteligjente në përdorim të Komisariatit të Policisë Rrugore Tiranë, dedikuar veçanërisht për konstatimin e shkeljeve rrugore të pozicionimit të mjeteve në korsinë apo karrexhatën e duhur, sipas drejtimit dhe qëllimit të lëvizjes. Kujdes! Ndryshimi i drejtimit apo i korsisë duhet të kryhet në përputhje me parashikimet e nenit 152 të Kodit Rrugor, ndërsa pozicionimi i mjetit në karrexhatë duhet të kryhet sipas nenit 141 të këtij ligji. Respekto rregullat e qarkullimit rrugor, shpëto jetë!”, thuhet në njoftim.
Vlen të theksojmë se shifrat e ngjarjeve rrugore vijojnë të jenë të larta. Që prej muajin janar të këtij viti e deri më tani, në të gjithë vendin kanë ndodhur 694 aksidente rrugore. Përgjatë 5 muajve të parë të vitti tjerë janë plagosur. Referuar të dhënave të policisë, 81 prej tyre kanë marrë plagë të rënda në trup dhe 740 persona u dëmtuan më lehtë.
Në pjesën më të madhe të ngjarjeve, shkak i aksidentit ka qenë sjellja e drejtuesit të mjetit. Kryesisht, ngjarjet rrugore janë kryer nga grup-mosha 20 deri në 34 vjeç
