Fatmir Sadikaj, babai i babai i 27-vjeçarit Aleksandër Sadikaj, Fatmir Sadikaj ka trguar gjatë një interviste për emisionin “Me Zemër të Hapur” se ndihet fajtor se ndoshta e ka futur ai në rrethana të vështira. Ai tregon se ka qenë shumë e vështirë për të pasi lajmin e rëndë për atentatin ndaj djalit të tij e ka marrë nëpërmjet medias. “Dy ditë më parë kam folur me të në telefon për herë të fundit. Nuk diskutuam asgjë, përvecse kisha ditëlindjen para ca kohësh dhe më nisi lekët e ditëlindjes, kaq. – tha Fatmiri.
Ndërkohë që ai shprehet i indinjuar me disa media që sipas tij kanë shkruajtur trillime ndaj djalit të tij. “Nuk është e drejtë për baballarët dhe nënat, që hapin televizorin dhe dëgjojnë direkt pas një minute lajme të tilla. Janë shumë rrena, shumë gënjeshtra e trillime, vetëm shpirti im e di.”
Fatmir Sadikaj bën me dije se ka qenë i divorcuar me mamanë e Aleksandrit, por mbante një mardhënjë të shkëlqyer me ta. Gjatë kësaj kohe ai thotë se të gjitha bizneset që kishte ngritur deri atëherë ia la djalit të tij Aleksandrit, të cilin e konsideroi si krahun e djathtë. “Ngriti biznesin, por me mua shteti mund të bëjë gjithçka mund të më hyjë në themel në Greqi apo Angli, por me çunin duhet të më gjejë shkaqet. E quaj veten fajtor për pasurinë që i lashë, e futa në këto rrethana. Shoqërinë nuk e njoh, njoh shumë pak shokë, shumë të mirë të sjellshëm të respektueshëm. Nuk kam ndenjur shumë tek ai, sepse këto 8 vite isha shumë i zënë, sepse duhet të ushqeja dy fëmijët e tjerë.”- thotë Sadikaj.
Kujtojmë që Aleksandër Sadikaj u vra para disa ditësh, pas një atentati me tritol që ishte vendosur në makinën e tij. Policia nuk ka arritur ende në një konkuzion në lidhje me ngjarjen.
