Ditën e sotme fatmirësisht asnjë viktimë nuk është shënuar si pasojë e COVID-19 bën me dije Ministria e Shëndetësisë. Në njoftimin e përditshëm të saj ajo bën me dije se ndonëse nuk ka asnjë viktimë, numri i infektimeve në vend është në rritje. Sipas Ministrisë gjatë 24 orëve janë kryer 805 teste për koronavirus, prej të cilëve kanë rezultuar 219 qytetarë të infektuar. Aktualisht janë 829 qytetarë aktivë me Covid19 në gjithë vendin. Ndërkohë në spitalin COVID3 po marrin trajtim 9 pacientë.
Sakaq në 24 orët e fundit kanë shëruar 75 qytetarë, duke e çuar numrin e të shëruarve në 273,337 që nga fillimi i epidemisë.
Ministria apelon të gjithë qytetarët të vaksinohen si masë mbrojtëse ndaj Sars-Cov2.
Njoftimi i Ministrisë së Shëndetësisë:
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Çdo qytetar mbi 12 vjeç, mund të vaksinohet në qendrat shëndetësore.
MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.
Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës anti-Covid, sipas rekomandimit të mjekut të familjes.
Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 805 testime, nga të cilat kanë rezultuar pozitivë me COVID19, 219 qytetarë, në këto bashki:
143 në Tiranë, nga 11 qytetarë në Vlorë, Fier, 9 në Lezhë, nga 5 qytetarë në Krujë, Korçë, Elbasan, nga 4 qytetarë në Shkodër, Durrës, Kamëz, Sarandë, 3 në Roskovec, nga 2 qytetarë në Dibër, Gjirokastër, nga 1 qytetar në Lushnje, Mallakastër, Selenicë, Himarë, Kolonjë, Kuçovë, Skrapar.
Janë 829 qytetarë aktivë me Covid19 në gjithë vendin.
Aktualisht në spitalin COVID3 po marrin trajtim 9 pacientë. Në 24 orët e fundit nuk ka asnjë humbje jete me Sars-Cov2.
Janë shëruar 75 qytetarë gjatë 24 orëve të fundit, duke e çuar numrin e të shëruarve në 273,337 që nga fillimi i epidemisë.
Statistika (21 Qershor 2022)
Raste të reja ditore 219
Të shëruar në 24 orë 75
Të shtruar në spitale 9
Humbje jete në 24 orë 0
Testime ditore 805
Testime totale 1,839,275
Raste pozitive 277,663
Raste të shëruara 273,337
Raste Aktive 829
Humbje jete 3,497
Shpërndarja gjeografike e rasteve aktive sipas qarqeve:
Tiranë 653
Vlorë 47
Fier 42
Durrës 20
Lezhë 15
Korçë 14
Elbasan 11
Gjirokastër 8
Berat 7
Shkodër 7
Dibër 4
Kukës 1
