Kryeministri Rama nga Kosova ka përmendur raportin që ai ka me Vuçiç dhe Kurtin.
I konsideruar shpesh si “vëllai” i Vuçiç, Rama ka një kërkesë: Më lini të jem vllau i dyve se mund t’ju duhem në të ardhmen.
Rama shtoi se marrëdhënia me tij me Albin Kurtin është shumë miqësore, madje kur janë bashkë qeshin shumë dhe bëjnë auto-ironi.
“Pro-serbizmi im, jam më shumë se kaq, kaq vllau i Vuqiqit, ju e dini këtë dhe e keni bërë status timin që jam vllau i tij, por dua të them se këndvështrimi im është se ne nuk na duhet një Serbi e radikalizuar aq më tepër në kontekstin e sotëm, na duhet të bëjmë çmos të rrisim të gjitha ato mundësi që e integrojnë këtë pjesë të Evropës, është dhe jo paparsye më e prapambetura, në një nivel tjetër ndërveprimi ekonomik dhe shoqëror. Nuk hyj në çështjen e administrimit të dialogut Serbi-Kosovë, është çështje ekskluzive e atyre që Kosova ka zgjedhur, si kundër nuk besoj që qasja jonë e ndryshme ndaj Serbisë dëmton qasjen apo qëllimin përfundimtar. Janë dy rrugë të ndryshme drejt të njëjtit qëllim, njohja e Kosovës nga Serbia dhe paqja e drejtë që i takon shqiptarëve të Kosovës, gjithë rajonit. Dua ta përsëris që me albinin ne kemi një marrëdhënie që është e kahershme, shumë miqësore dhe do jetë e tillë gjithmonë, por juve ju duket si shkaka, po kjo është e vërteta. Ne jemi të qetë dhe po të shokoni kur jemi baskë volumin e qeshjeve dhe autoironisë që na bashkon reciprokisht mbase do habiteni dhe do thoni ky nuk qenka vëllau i Vuqiqit, por i Albinit. Më lini të jem vllau i dyve se mund t’ju duhem në të ardhmen”, është shprehur Rama në deklaratën e tijj.
