Pasditen e sotme një makinë ka marrë flakë në autostradën Durrës-Tiranë. Bëhet me dije se mjeti me drejtues shtetin me iniciale B.K, ka qënë në lëvizje e sipër. Sipas njoftimit të policisë drejtuesi i mjetit është dëmtuar dhe ndodhet në spital jashtë rrezikut për jetën. Paraprakisht dyshohet se zjarri ka rënë si pasojë e një defekti në mjet.
Ndërkohë që grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
“Me datë 16.06.2022, në autostradën Durrës-Tiranë, ka marrë flakë në lëvizje e sipër dhe është djegur pjesërisht, mjeti me drejtues shtetasin B. K. Si pasojë është dëmtuar drejtuesi i mjetit dhe ndodhet në spital, jashtë rrezikut për jetën. Paraprakisht dyshohet se zjarri ka rënë si pasojë e një defekti në mjet. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.”
Vlen të theksojmë se kohët e fundit ka pasur shumëraste ku makinat janë përfshirë nga flAkët. Një ditë më parë një automjet është përfshirë nga flakët në lëvizje përgjatë aksit rrugor Milot- Fushë Krujë ku tymi e flakët alarmuan drejtuesit e tjerë. Si pasojë nuk pati persona të lënduar pasi shoferi dhe pasagjeri kanë arritur të dalin nga makina sapo kanë konstatuar flakët. Ngjarja ka ndodhur rreth orës 17:15 ku mjeti tip ‘Benz’ ka marrë flakë në mes të rrugës dhe ka pasur vetëm dëme materiale.
