Kryeministri Edi Rama ka uruar këtë të diel të gjithë socialistët për 31-vjetorin e themelimit të Partisë Socialiste. Nëpërmjet një postimi në rrjetin social Facebook ai ka uruar të gjithë ata që kanë dhënë kontributin e tyre në këtë forcë politike duke përmendur që nga thmeluesit, patronazhistët dhe liderin Fatos Nano. “Ju uroj të gjithëve një të dielë të qetë”, e mbyll postimin Kryeministri. Ndërkohë kujtojmë që skandali i patronazhistëve ishte një turp i madh, i cili u shit si një meritë nga Rama. Dalja e të dhënave personale të shumë qytetarëve u konsiderua normale nga ky i fundit, i cili shpeshherë gjen rastin dhe i përshëndet patronazhistët. Në fakt sipas ligjit për mbrojtjen e të dhënave personale dhe ruajtjen e privatësisë këta persona duhet të ishin prapa hekurave, jo të ngriheshin në piedestal.
Historiku i PS që nga themelimi i saj
Kujtojmë se PS lindi në Kongresin e PPSh të vitit 1991,pasi u morr vendim që ti ndërrohet emri partisë se Enver Hoxhes në Partia Socialiste e Shqipërisë. Partia Socialiste qëndroi në opozite që nga viti 1992 deri në vitin 1997. Protestat dhe pakënaqësia ndaj Berishës e sollën më pas në pushtet.
Kryetari socialist Fatos Nano u zgjodh kryeministër. Edhe në zgjedhjet e vitit 2001 socialistet do të rikonfirmoheshin në maxhorance por me një përqindje më të ulët nga ajo e zgjedhjeve të mëparshme.
Në vitin 2004 Partia Socialiste do të kishte ndarjen me një grup brenda saj të cilët krijuan Lëvizjen Socialiste për Integrim. Kjo çoi në humbjen e zgjedhjeve të vitit 2005 ku pushteti kaloi në duart e qendrës se djathte pas tetë vitesh. Fatos Nano dha dorëheqjen nga posti i Kryetarit të PSSH dhe u zëvendësua me Edi Ramën i cili njëkohësisht ishte dhe Kryetar i Bashkisë së Tiranës.
Në zgjedhjet për Kuvendin e Shqipërisë të vitit 2009 koalicioni Bashkimi për Ndryshim i drejtuar nga Partia Soicialiste e Edi Ramës siguroi 64 vende, 6 vende më pak se koalicioni Aleanca e Ndryshimit e drejtuar nga Partia Demokratike i cili siguroi 70 vende. Disa nga drejtuesit e PSSH i kërkuan Ramës të pranojë humbjen dhe të japë dorëheqjen ashtu siç bëri edhe paraardhësi i tij Fatos Nano. Edi Rama edhe pse humbi zgjedhjet vendosi përsëri kandidaturën për kryetar të PSSH dhe u zgjodh kryetar i kesaj partie për mandatin e tij të 2-të me mbi 99% të votave. Këto zgjedhje u kritikuan nga disa drejtues të PSSH-së si zgjedhje formale të paracaktuara.
Në vitin 2013, krytari i partisë, Rama u ftua të formonte Kabinetin e 33-të Shqiptar dhe të bëhej Kryeministër i Shqipërisë pas zgjedhjeve të 2013, ku Partia Socialiste e Ramës fitoi shumicën e vendeve në kabinet.
Partia Socialiste e udhëhequr nga Rama mori pjesë në zgjedhjet parlamentare më 25 qershor 2017. Një ditë më pas, rezultatet e pjesshme sugjeruan se Partia Socialiste kishte fituar shumicën.
Aktualisht PS e udhëhequr nga Rama gëzon mandatin e 3-të rrjeshtazi në pushtet.
Urimi i Ramës:
MIRËMËNGJES 🌹dhe me urimin për ditëlindjen e Partisë Socialiste, të gjithë atyre që i kanë dhënë dje dhe i japin sot #PS, që nga patronazhisti më i thjeshtë, tek drejtuesit në territor e deri tek themeluesit e saj dhe lideri Fatos Nano, ju uroj të gjithëve ju një të diel të qetë
#31VJETPS
