Ditën e sotme ka ndodhur një atentat ndaj Mariglen Hakas në Fushë-Krujë. Haka ka qenë duke lëvizur me makinë kur është qëlluar nga një person që lëvizte në këmbë. Ai nuk është identifikuar ende nga policia. Mariglen Haka është transportuar në spitalin e Traumës, ku ndodhet jashtë rrezikut për jetën.
“Syri TV” ka sjellë pamje nga vendi ku është qëlluar me pistoletë, i forti i Niklës.
Por kush është Mariglen Haka?
Haka është emër i njohur për Policinë e Shtetit pasi në vitin 2017, të riut iu bë atentat në banesën e tij me plot 85 plumba. Haka i shpëtoi atentatit të rrezikshëm por për fat të keq ndërroi jetë halla e tij, Shpresa Basha. Goditja drejt banesës së tij u bë me qëllim eleminimin fizik të Hakës por nuk u arrit. Në atë kohë Prokuroria dyshonte se atentati mund të ishte kryer nga vrasës me pagesë.
Mariglen Haka është dënuar në muajin prill 2019 me 1.6 vite burg. Më 13 qershor të vitit 2011, ai është shoqëruar si i dyshuari kryesor për vrasjen e biznesmenit të kromit Nadien Zeneli, në zonën e ish-Bllokut. Shkaku për atentatin dyshohet të ishte bërë fakti që i riu dyshonte se Zeneli i kishte vrarë të vëllanë, Roland Haka, në vitin 2004. Megjithatë Mariglen Hakau lirua muaj më vonë.
Mariglen Hka ka përfunduar për herë të parë në pranga kur ishte 20 vjeç, i dyshuar për një vepër të rëndë penale, atë të vrasjes.
