Ndërkohë që ishulli i Sazait ndodhet prej 3 ditësh nën flakë, mesa duket qeveria i ka “mobilizuar” forcat për të bërë video, por jo për të shuar flakët me ndërhyrje nga ajri.
Kryeministri Edi Rama ka ndarë pamjet e ishullit të filmuar nga ajri teksa duket edhe kreu i emergjencave civile Haki Çako, për të ndjekur situatën atje.
Edhe pse nuk ka një helikopter për tu ardhur në ndihmë forcave që ndodhen atje, kjo nuk i ka penguar për të filmuar se si po digjet Sazani.
Megjithatë theksojmë se rreziku më i madh për ata që po shuajnë zjarrin janë municionet e ngelura nga viti 1997 të cilat si duket kanë filluar të shpërthejnë.
Ndërkohë Sali Berisha ka nxjerrë detaje tronditëse për atë që po ndodh sipas tij në ishullin e Sazanit që prej 3 ditësh është nën “pushtetin” e flakëve.
Berisha shprehet se ushtria ndodhet në kolaps për shkak se ushtarët kanë dhënë dorëheqjen, si pasojë e pagesave të ulëta dhe kushteve të papërshtatshme të punës. Gjithashtu Berisha i bën thirrje NATO-s që të ndërmarrë një inspektim për vlerësimin e gjendjes së Forcave të Armatosura.
Monika Kryemadhi, kryetarja e LSI-së në një intervistë për “Neës 24” ka folur mbi gjendjen në të cilën ndodhet Ishulli I Sazanit, ku për të shuar flakët po punohet me mjete rrethanore.
Kryemadhi ka deklaruar se qeveria duhet të ndërhyrje sa më shpejt për shuarjen e flakëve në ishullin e Sazanit.
Gjithashtu ajo tha se emergjencat civile nuk kishin mjetet e duhura për shuarjen e flakëve, ndërsa shton se qeveria në vend që të vijojë të paguaj para personave nën hetim, duke iu referuar administratorëve të Inceneratorëve, të shpallur në kërkim.
