Para disa ditësh një video nga Librazhdi bëri xhiron e rrjetit, ku vjehrrit kapin “mat” në shtëpinë e tyre nusen e djalit në shtrat me një partner tjetër.
Sigurisht që kjo video u shoqërua me shumë polemika, madje shumë panë në disa sekuenca imazhin e shoqërisë shqiptare. Ndërkohë në lidhje me këtë ngjarje ka folur për “Top Channel” nëna e vajzës. Ajo u shpreh se të gjithë familjarët janë në gjendje shumë të rënduar psikologjike dhe nuk e ngrenë dot kokën lart.
Zonja tha se nuk e kanë dhunuar vajzën pas publikimt të videos dhe se ajo ndodhet në Tiranë nën kujdesin e Shoqatës së të dhunuarve. Nëna e vajzës tha se personat që kanë nxjerrë videon duhet të përballen me ligjin dhe kërkoi ndihmë për tu shpërngulur nga vendi ku jetojnë pasi situata në të cilën ndodhen është shumë e rëndë.
“Jemi jashtë mase keq, jemi në depresion të gjithë. Nuk e ngremë dot kokën lart. Videoja duhet të hiqet. Ne nuk e dhunuam vajzën. Ngelëm pa ndjenja. Nuk e dimë se çfarë është bërë. Vajza ka ikur në Tiranë, e ka marrë shoqata e Elbasanit nuk e dimë ku është. Ata persona që kanë nxjerrë videon duhet të ndiqen. Ne kërkojmë të ikim nga këtu të shpërngulemi, nuk jetohet më këtu”, u shpreh nënë e të resë nga Librazhdi për “Top Channel”.
