Policia e Elbasanit dhe e Tiranës kanë organizuar një operacion antidrogë, ku janë shoqëruar mbi 10 persona me precedentë penalë.
Pesë prej të shoqëruarve kanë urdhër arresti.
Sipas burimeve të “balkanweb” mësojnë se emrat e dy prej të arrestuarve janë Agron Qafa dhe Lavdosh Demaj. Ndërkohë janë arrestuar dhe tre persona të tjerë me veprimtari kriminale.
Burime nga Policia e Shtetit bëjnë me dije se arrestimi i tyre është bërë në kuadër të një operacioni të fuqishëm për shkatërrimin e një grupi të strukturuar kriminal që vepron në disa qytete, si Tiranë, Elbasan, Fier etj.
Si rezultat i operacionit janë gjetur rreth 1 kg kokainë që e posedonin personat e arrestuar.
Arrestimi i tyre pritet që të çojë në zbardhjen e disa ngjarjeve të rënda kriminale të ndodhur në Elbasan dhe disa qytete të tjera.
