Tashmë bota rrezikohet nga Lija e majmunit që është një virus që e ka prejardhjen nga kafshët e egra, si brejtësit dhe primatët, dhe që ndonjëherë kalon tek njerëzit. I përket të njëjtës familje virusesh si sëmundja e lies, raporton VOA.
Ndërkohë Instituti i Lartë i Shëndetësisë në Itali ka reaguar lidhur me sëmundjen e lisë së majmunit. Nënsekretari i Shëndetësisë, Andrea Costa ka deklaruar se 40 % e personave që janë vaksinuar kundër lisë tashmë kanë rreth 85 % mbrojtje.
“Tashmë kemi 5 milionë doza në dispozicion dhe për këtë arsye jemi të përgatitur”, ka deklaruar ai. Vlen të teksojmë se më herët autoritetet britanike ngritën alarmin rreth lisë së majmunit, pas konfirmimit të rasteve në vend.
Mjekët theksuan se nëse rastet do të shtohet atëherë spitalet mund të përballen me mungesë shtretërish dhe se për këtë arsye duhet të kishte një reagim të menjëhershëm.
Disa informacione për lijën e majmunëve:
Lija e majmunëve shkaktohet nga virusi i lisë së majmunëve, anëtar i gjinisë Orthopoxvirus në familjen Poxviridae;
Lija e majmunëve është sëmundje zoonotike virale që shfaqet kryesisht në zonat tropikale të pyjeve të Afrikës Qendrore dhe Perëndimore dhe herë pas here eksportohet në rajone të tjera;
Lija e majmunëve zakonisht shfaqet klinikisht me ethe, skuqje dhe ënjtje të nyjeve limfatike dhe mund të çojë në sërë komplikimesh mjekësore;
Lija e majmunëve është zakonisht sëmundje me simptoma të kufizuara që zgjasin nga 2 deri në 4 javë. Mund të ndodhin raste të rënda. Kohët e fundit, raporti i fatalitetit të rasteve ka qenë rreth 3-6%;
Lija e majmunit transmetohet te njerëzit nëpërmjet kontaktit të ngushtë me person ose kafshë të infektuar, ose me material të kontaminuar me virusin;
Virusi i lisë së majmunit transmetohet nga një person te tjetri
