Ndeshja midis Romës dhe Feyenoord solli në Tiranë solli në Tiranë mijëra tifozë të ekipeve përkatëse, konkretisht italianë dhe holandezë. Por një natë para zhvillimit të ndeshjes holandezër “lajthitën” dhe disa prej tyre kryen vepra me precedent të rëndë.
Tani edhe pse ndeshja ka mbaruar dhe Roma është shpallur kampion i Coference Europa League, sërish vijojnë arrestimet. Burime zyrtare të Policisë raportojnë se kanë arrestuar dy të rinj holandezë, konkretisht 23-vjeçarin D. B., dhe 21-vjeçarin D. H. Ata raportojnë se këta dy shtetas në bashkëpunim me të tjera persona ende të pa identifikuar kanë goditur me sende të forta shqiptarin A. G., i cili ndodhet në spital nën kujdesin e mjekëve. Materialet i kaluan Prokurorisë, për veprime të mëtejshme procedurale.
Njoftimi i Policisë:
Tiranë
Vihen në pranga 3 shtetas, për vepra të ndryshme penale.
Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasve D. B., 23 vjeç dhe D. H., 21 vjeç, banues në Holandë, për veprën penale “Plagosja e rëndë me dashje”, kryer në bashkëpunim. Këta shtetas, më datë 24.05.2022, në Rrugën e Barrikadave, në bashkëpunim me njëri-tjetrin dhe me persona të tjerë, ende të paidentifikuar, kanë goditur me sende të forta, për motive të dobëta, shtetasin A. G., i cili ndodhet në spital, nën kujdesin e mjekëve.
Materialet i kaluan Prokurorisë, për veprime të mëtejshme procedurale.
