Disfata që pësuan nga Roma, i ka mërzitur shumë tifozët e Feyenoord, të cilët nuk janë përmbajtur në veprimet e tyre. Mbrëmja e së mërkurës është shoqëruar me shumë trazira në Roterdam, ku tifozët e kanë shfaqur nervin e tyre duke shkatërruar objekte të ambienteve publike.
Pasi tentuan të kthenin përmbys qytetin, 72 prej tifozëve të “lajthitur” janë arrestuar pas ndeshjes Feyenoord- Roma, e cila përfundoi me fitore të Romës. Situata ishte problematike në disa vende në Roterdam. Rebelët hodhën fishekzjarrë dhe pishtarë dhe gjithashtu kanë qëlluar me gurë dhe shishe në drejtim të policisë.
https://twitter.com/i/status/1529588398985560064
Ndërkohë që bëhet me dije se 2 oficerë kanë pësuar dëmtime të lehta.
Policia ka bërë thirrje që të kontrollohen kamerat e sigurisë në mënyrë që të identifikohen më shumë tifozët që kanë shkaktuar trazirat. Roma mposhti skuadrën holandeze duke u shpallur kampione Europe në konferencën “Europa League”. Roma ka fituar edicionin e parë të Conference League, që u luajt në stadiumin “Air Albania”.
Zaniolo ishte heroi i ndeshjes ndaj Feyenoord, me golin e vetëm të ndeshjes së përfunduar 1-0, të shënuar në minutën e 32-të. Në pjesën e dytë, Roma u mbrojt me forca të shumta, duke mbajtur të paprekur rrjetën. Edhe pse holandezët, bënë gjithçka në pjesën e dytë, për të barazuar sfidën, fati nuk ishte me ta, teksa goditën 2 herë shtyllën. Në fund, festë e çmendur e italianëve.
