Dita e sotme mund të jetë një ditë e shënuar për përmirësimin e marrëdhënieve mes Greqisë dhe Shqipërisë.
Samiti i 8 i vendeve të Evropës Qendrore,asaj Juglindore si dhe Kinës, e njohur si iniciativa 16+1, do të bëjë bashkë në Dubrovnik kryeministrin Rama dhe homologun e tij grek, Alexis Tsipras.
Besohet se kjo mund të jetë një mundësi shumë e mirë e Ramës dhe Tsipras për të biseduar rreth problematikave dhe fërkimeve që kanë pasur së fundmi të dy shtetet për shkak të tokave të minoritetit, por kjo ende nuk është plotësisht e konfirmuar.
Situata është përshkallëzuar që pas deklaratës së Tsipras nga Bukureshti se ishte pesimist për perspektivën e Shqipërisë në BE, mirëpo i menjëhershëm ka qenë edhe reagimi i Ramës, i cili e ka telefonuar, bisedë e cila ende nuk ka informacion sesi ka përfunduar.
. Sipas axhendës, takimi mes dy kryeministrave do të nisë në orën 10:00, ndërsa në orën 12:30 do të ketë një deklaratë për mediat.
