Mëngjesin e sotëm një biznesi të një polici në Shkodër i është vënë tritoli.
Bëhet e ditur se ngjarja ka nddohur rreth orës 02:20 të mëngjesit të kësaj të premteje në fshatin Grudë e Re në Shkodër. Gjithashtu mësohet kanë shpërthyer tritolin në lokalin e tij dhe më pas i kanë vënë flakën furgonit.
Të dy objektet në pronësi të efektivit të policisë së Komisariatit Shkodër, Ndrek Rrasa.
Theksojmë se dëmet materiale janë të konsiderueshme, ndërsa kanë nisur hetimet për kapjen e autorëve. Grupi hetimor nën drejtimin e Prokurorisë së Rrethit Gjyqësor Shkodër, po punon për zbardhjen dhe sqarimin e plotë të kësaj ngjarje. Nuk dihen ende motivet e këtij akti dhe nëse ka lidhje me detyrën e efektivit Rrasa.
Njoftimi i policisë së shtetit:
Shkodër/Informacion Paraprak
Rreth orës 02:20, në fshatin Grudë e re, Shkodër, ka shpërthyer lëndë plasëse në derën e lokalit të shtetasit N. Rr. 46 vjeç , banues në fshatin Grudë e re, me detyrë punonjës policie pranë Komisariatit të Policisë Shkodër.
Për pasojë ka vetëm dëme materiale në lokal si dhe është dëmtuar edhe mjeti i tij autobus, i parkuar para lokalit.
Grupi hetimor nën drejtimin e Prokurorisë së Rrethit Gjyqësor Shkodër, po punon për zbardhjen dhe sqarimin e plotë të kësaj ngjarje.
