Mbrëmjen e djeshme në emisionin investigativ “Stop” u denoncua një rast korruptiv në Agjencinë Shtetërore të Kadastrës.
Ndërkohë që nuk ka vonuar shumë dhe specialistët e Hetimit të Krimit në Komisariatin e Policisë Sarandë kanë bërë ndalimin me iniciativë të shtetasit Laert Pasha, 41 vjeç, banues në Sarandë, me detyrë specialist i sportelit dhe arkivës në zyrat e ASHK Sarandë.
Theksojmë se ky shtetas dyshohet se ka realizuar elemente të veprës penale “Korrupsioni pasiv i personave që ushtrojnë funksione publike”. Materialet iu dërguan Prokurorisë së Posaçme Kundër Korrupsionit dhe Krimit të Organizuar, Tiranë, për hetime të mëtejshme.
Rasti u denoncua nga emision investigative në “Tv Klan” ku një pronari hoteli në Sarandë tha se i kishin premtuar legalizimin përmes korrupsionit. Pas 3 vitesh, denoncuesi kishte mbajtur kontakte me Laert Pashën, ish-Drejtorin e Legalizimit që tani në Kadastër punon si specialist, këtë here i kërkon 4000 Euro për nxjerrjen e hipotekës së hotelit.
Përgjimi i plotë publikuar në emisionin “Stop” në ‘Tv Klan:
Qytetari: Vëlla, ça bëre ti?
Laert Pasha: Çkemi?
Qytetari: Mirë, mo mirë!
Laert Pasha: Po ç’bëhet noi gjë?
Qytetari: Hiç rehat fola çikë me Sajmirin. (Sajmir Braho – Hartograf) Dje ai tha, që medemek unë prura dhe kam prurë dokumentat. I kam në makinë. Tha, që del nji problem atje nga mbrapa, që del dikush tjetër pronar te toka, më tha, që…
Laert Pasha: Ah, bravo!
Qytetari: Jo! Nji sekondë. Toka, që u ble shpia, iku ajo, mbaroi, domethënë bëra pagesën.
Laert Pasha: Po!
Qytetari: Dolën çertifikatat e shpisë, e çertifikatat e shpisë. Ashtu tha. Ç’punë ka ai? Ai i ka me 7501-shin. Ç’punë ka atje ai? S’ka lidhje fare njëra me tjetrën. Nuk ka lidhje fare njëra me tjetrën.
Laert Pasha: Ia sqarove ktë? Ia the?
Qytetari: Po! Ia sqarova, po më ka marrë dhe dokumentin edhe atë të shit-blerjes, edhe atë çertifikatën unë e dorëzova. Më kupton?
Laert Pasha: Edhe ça të tha?
Qytetari: Do shikojmë nga e premtja,- tha.
Laert Pasha: Do të shikoj nesër, domethënë. Edhe nesër domethënë, do ta shikojmë,- të tha?
Qytetari: Do ta shikojmë tënden,- tha ai,- nuk e di, unë e di, se ka mbaruar ajo. E di, se ka mbaruar.
Laert Pasha: Epo prandaj, se kshu më tha dhe mua. Tani sot, dje më fal, që aty ngela dhe unë kshu, se foli me shefen dhe s’kisha ça thosha, se ishin bashkë të dy ata, ka mbivendosje. Ç’është kjo mbivendsje,- thashë. Eh, ka dalë aty,- më tha. Më tha në fillim i kam te shefja. Ore, në rregull! I ke çuar te shefja,-i thashë unë. Pse nuk e protokollon? Edhe atje ngeca unë pastaj. I thashë unë,- prit çikë tani, se s’ka një firmë, e hajde, vazhdo, mbaroi filmi. Kur tani sot, e nxorri kokën, prandaj dhe unë s’doja të nxitoja.
Qytetari: Unë isha me atë djalin e xhaxhait mbrëmë dhe e di, si është muhabeti,- tha, ktu o vlla, tha, ktu kanë paguar nga 5000 euro,- tha për një shpi normale. Tani më fal,- tha, se ti je në Angli tha, ke dhe gjithë atë objekt 4 kate, do shpëtosh ti, se pagova unë 2 mijë euro,- më tha. Legalizimi do, ashtu.., do të hidhesh,- tha. Ç’rëndësi ka tani? Unë kam 2 milionë lekë dhe 2 mijë euro. Kam edhe 300 paund. Të jemi prapë bashkë. Këtu është muhabeti. Dakord! Kaq kam në dispozicion. 2 milionë lekë dhe 2 mijë euro. Fol me Sajmirin, të flas me shefen! Lëri njërën, lëri tjetrën! Unë të marr ato të miat nga e hëna, nga e marta, dhe t’iki në punën time. Kaq gjë! Kaq gjë, o vlla! Do flasësh vetë me atë që t’.. ashtu edhe më kthe një përgjigje!
Laert Pasha: Ja them unë mo! Në rregull!
Qytetari: Ose do të ashtu.., në qoftë se je garantor, të t’i jap këto tani, siç e lamë!
Laert Pasha: Të lutem!
Qytetari: Andaj të thashë unë.
Laert Pasha: Unë do bëj njëherë muhabetin, pastaj po m’u përgjigjën, do të them hajde!
Qytetari: Në rregull! Flasim!
Laerti premton pas takimit që do flasë me hartografin Saimir Brahon kundrejt ryshfetit për 4000 Euro, duke i kërkuar denoncuesit 1000 Euro kapar. Takimi i radhës bëhet dhe jepen 1000 Euro.
Qytetari: Fole gjë me atë? Si e latë? Si u bë muhabeti?
Laert Pasha: M’i jep mua ato do ta shikojmë,- më tha mua!
Qytetari: Po mirë mo, të mbarojmë, o vlla!
Laert Pasha: T’i mbarojmë sot, se ikin ato!
Qytetari: Ç’është ai muhabet?
Laert Pasha: Të paktën, pos’u mbarua deri të hënën…
Qytetari: Ore! Unë jam.., po pres sot, o vlla, ta mbarojmë! Të mbarojmë punë sot! Tani u sqarove me atë ti? Fole, që unë jam gati?
Laert Pasha: Po! Fola!
Qytetari: Fole me atë? Ca tha? Do i bëjë sot, apo jo? Urdhëro! Të mbarojmë tani!
Laert Pasha: Po nuk më dha përgjigje për këtë, do t’i shikoj tani,- më tha.
Qytetari: Tani, si do ia bëjmë? Do marrësh gjysmat tani dhe gjysmat me të mbaruar atë?
Laert Pasha: Sa ke ti tani me vete?
Qytetari: Unë kam dy me vete.
Laert Pasha: I ke këtu?
Qytetari: Po, këtu I kam! Do marrësh 1 tani, 1 del certifikata, do marrësh na-nëm! Kaq e thjeshtë është! Ti do e marrësh, apo jo? Printoje, ma jep në dorë edhe s’ka gjë! Mbarojmë punë! Tani ça të them unë? Mos duhen edhe më shumë, o vlla? Ca të them unë,- tha,- se s’kam mundësi më edhe unë.
Laert Pasha: Unë do t’i them o bëje tani, se i kam ktu!
Qytetari: Po pra! Kaq gjë! Mbaroi filmi!
Laert Pasha: Po më tha, që jo ashtu, do të them, më thuaj, sa do do, t’i them.., t’i them dhe atij, po re dakord!
Qytetari: Po pse s’fole tani njëherë me atë vetë ti, hë vlla?
Laert Pasha: Më tha, që do t’i bëj mo!
Qytetari: Do t’i bëj?
Laert Pasha: Hë!
Qytetari: Hë, në rregull! Po do t’i bëj, hajde në rregull!
Laert Pasha: Po ç’thotë tani, nuk thotë pas 5 minutash dhe Sajmiri, se është nji çikë dobiç.
Qytetari: E mora vesh! Po thuaj “urdhëro”! Tjetri po paguan,- thuaj. Dakord? Je në rregull,- thuaj? Kaq gjë! Nji printim do bëhet aty, ça do bëhet?! Mbase e një çikë me Range Rover unë, e një çikë me ato orët e mira me florira e me kto…
Laert Pasha: Njeri tamam përsëmbari, po ktu ta marrin për dobësi. E kupton?
Qytetari: Atje është e keqja hë, se thonë,ështëi ngarkuar. E kupton?
Laert Pasha: Ah bravo! Ajo është!
Qytetari: Atje është muhabeti. Të shkoj te banjua unë, pastaj?
Laert Pasha: Ik vlla! 5 minuta, erdha dhe unë.
Qytetari: Është një grua aty.
Laert Pasha: S’na intereson. Numëroji! Ç’është ajo? 500-tshe?
Qytetari: Dyqindshe!
Laert Pasha: Dyqindshe.., hë, hë, po…
Qytetari: 2,3,4,5,6,7,8,9,10.
Laert Pasha: Dhjetë!
Qytetari: Numëroji dhe njëherë vetë! Në rregull? Hë, të tjerat i ke këtu edhe 1 mijë këtu. Në rregull hë?
Laert Pasha: Në rregull!
Takimi në ASHK me hartografin Sajmir Braho.
Qytetari: Duhet të keni çelsa rezervë ju? Ça bëhet?
Sajmir Braho: Hiç mo, më mbarove fare?
Qytetari: Eh mo, mirë, në rregull! Shiko tani!
Sajmir Braho: Ka ardhur sot?
Qytetari: Jo s’erdhi sot ajo. Iku, se kishte nji punë edhe nesër, pasnesër do iki dhe unë.
Sajmir Braho: Pa merak! Do t’ia lë Laertit unë. Ta marri Laerti e ta japi ty! Ik!
Laert Pasha: Të thashë “rri i qetë”, mos…!
Qytetari: Thuaj, mor burrë i dheut, nesër paradite të mbarojmë punë!
Laert Pasha: E ka mbaruar ky more!
Në fund bëhet një takim ku jepen 2000 Euro.
Laert Pasha: Ç’bëre?
Qytetari: Hiç! Ja! Çfarë do bëhet tani? Do e mbyllim ktë muhabet sot, a jo?
Laert Pasha: Ta mbyllim t’i q..* n…*, se m’u, m’,u m’…,u bëra dhe unë, më iku mëndja. Hajde lart 1 muaj, merr, mba…
Qytetari: Merre telefonin! Mos e lër ktu, të vete të bëj një ujë unë edhe…!
Laert Pasha: Jo, jo! Dëgjo! Jo këtu, se ka njerëz aty!
Qytetari: Po mirë, si të duash!
Laert Pasha: Do vemi te zyra, te shkallët aty te dera!
Qytetari: Te zyra?
Laert Pasha: Jo te zyra mo! Ktu te shkallët, sa futesh te dera e jashtme, poshtë fare! Aty s’ka gjë!
Qytetari: Mirë mo! Nërregull!
Laert Pasha: Jo te zyra, jo!
Qytetari: Po jo për atë, po dhe te shkallët kalojnë njerëz, prandaj.
Laert Pasha: Ka një moment, që s’ka njerëz.
Qytetari: Hajd, lëvizim tani!
Laert Pasha: Po ku do takohemi?
Qytetari – Ja mo, matanë! Do më shikosh mua ti? Ec mbrapa meje ti, eh…
Laert Pasha: Mirë! Ik pastaj!
Qytetari: Hej, hë, mo! Ja tek kjo pjesa ktu o, vari leshtë!
Laert Pasha: Hë!
Qytetari: Se do na marrin me dylbi andej, hë..!
Laert Pasha: Jo mo, hajd’ vemi atje!
Qytetari: Unë thashë, ktu nga mbrapa mo, tek kjo pjesa ktu, po prapë ka, dukesh aty. Hap sytë aty! Hajde t’i numëroj unë!
Laert Pasha: Mos m’i numëro! Sa janë aty?
Qytetari: Ore 2000 janë, o vlla!
Laert Pasha: 2000 t’i jap të gjitha Sajmirit, vetëm?
Qytetari: Unë të thashë, të tjerat i kam këtu. 2 milionë. Po mbaroje atë thuaj, e kaq! Dakord, hë? Mbaroje atë-thuaj, që të marrësh të tjerat tani mbasdite! Kaq di unë! Në rregull, hë?
Laert Pasha: Po do mbaroj ai me shefen të gjitha këto, domethënë. Se mos mendon, se janë të tijat të gjitha këto.
Qytetari: Ku ja..?
Laert Pasha: Sajmiri!
Qytetari: Ore thuaj “kemi dhe 2 milionë akoma për të marrë,- thuaj”. Kaq, o burrë!
Laert Pasha: Në rregull!
Qytetari: Në rregull, hë?
Laert Pasha: Mirë!
Qytetari: Edhe mos të mërzitet për këtë, për kaq gjë, o vëlla!
Laert Pasha: Mirë!
Qytetari: Ndaj u prish shefja, që vajti i dhe Sajmirit kaq, tha 1 mijë dhe tani 1 mijë do thotë ajo, ça, ça janë kto? Më kupton? Mirë vlla!
Laert Pasha: Ika!
Qytetari: Ok! Hajde!
