Një 20-vjeçar ka rënë në prangat e policisë së Durrësit pasi pas një konflikti për motive të dobëta ka plagosur vëllain e tij me mjet prerës.
Sipas njoftimit të policisë, është arrestuar në flagrancë shtetasi E.0 i cili akuzohet për veprën penale “Plagosja e rëndë me dashje”. Ndërkohë vëllai i tij, 27-vjeçari E.O ndodhet në spital jashtë rrezikut për jetën.
Kujtojmë se dy persona janë arrestuar ditën e sotme nga Policia e Durrësit, teksa akuzohen për vepra të ndryshme penale. Njëri prej tyre mësohet se ishte shpallur më herët në kërkim.
Bëhet me dije nga njoftimi i policisë se Gjykata e Shkallës së Parë Durrës, e ka dënuar Emanuel Hasran me 4 muaj burg në vitin 2017 për veprën penale “Goditje për shkak të detyrës”.
Gjthashtu mësohet se në prangat e policisë së Durrësit ka rënë edhe 20-vjeçari me inicialet R.R. Sipas Policisë, i riu ka dhunuar fizikisht dhe psikologjikisht bashkëjetuesen e tij.
