E dhunonte barbarisht, si shpëtoi 45-vjeçari në Gramsh nga “lajthitja” e të birit

Në Gramsh një 20-vjeçar ka “lajthitur” duke ushtruar dhunë të tmerrshme ndaj babait të tij.

Por sikur mos të mjaftontë, 20-vjeçari me iniciale S.K ka kanosur të atin me mjet prerës dhe i dëmtoi edhe automjetin.  Ka qenë telefonata e 45-vjeçarit, i cili ka kërkuar nga policia ndihmë për gjendjen në të cilën ndodhej.  Me marrjen e njoftimit, menjëherë shërbimet e Policisë kanë shkuar në adresën e dhënë në fshatin Crunjë, ku është bërë e mundur kapja dhe neutralizimi në kohë i autorit të dyshuar.

Njoftimi i Policisë së Shtetit:

GRAMSH

Ushtroi dhunë ndaj babait të tij, e kanosi me mjet prerës dhe i dëmtoi automjetin, policia parandalon krimin e rëndë, arrestohet 20-vjeçari.

Në sallën operative të Komisariatit të Policisë Gramsh ka ardhur një telefonatë nga shtetasi S. K., 45 vjeç, i cili ka kërkuar ndihmën e Policisë, pasi i biri po ushtronte dhunë fizike ndaj tij dhe po e kanoste me mjet prerës.

Me marrjen e njoftimit, menjëherë shërbimet e Policisë kanë shkuar në adresën e dhënë në fshatin Crunjë, ku është bërë e mundur kapja dhe neutralizimi në kohë i autorit të dyshuar.

Në vijim të veprimeve, specialistët për Hetimin e Krimeve në Komisariatin e Policisë Gramsh arrestuan në flagrancë shtetasin S. K., 20 vjeç, i cili, pasi ka dhunuar babanë e tij dhe e kërcënuar atë, me mjet prerës (thikë), i ka dëmtuar xhamin e automjetit dhe disa orendi shtëpiake.

Materialet procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.