Para disa javësh, Fieri u trondit nga një krim makabër i dyfishtë në familje.
Xhevahir Hoxha, 61-vjeçari i masakroi me thikë partneren e djalit të tij, Merushe Hazizin. Pamjet ku vjehrra e Merushes pastronte gjakun në shtëpi dhe ndërkohë jepte intervistë për mediat i rrënqethën të gjithë.
Ndërkohë që ditën e sotme vjehrra e Merushe Hazizit ka folur për emisionin “Me Zemër të Hapur” në News24. Sipas saj Xhevair Hoxha ishte shumë i dhunshëm, madje po të kishte qenë prezente ne ngjarje, mund ta kishte vrarë edhe atë, pra gruan e tij.
Vjehrra e Merushes rrëfen se pasi kreu vrasjen, bashkëshorti i tha që po dilte nga tokat bujqësore, ndërkohë që nuk i la shenja që ajo të dyshonte pasi dukej i qetë. Për sa i përket çiftit të ri, ajo thotë se kishin një javë që kishin ardhur në shtëpinë e tyre dhe se me Merushen kishte përgjithësisht marrëdhënie të mira.
Ndërsa e pyetur nëse Xhevairi ushtronte dhunë ndaj Merushes, gruaja e pohon dhe shton se debatet e tyre mbeteshin vetëm tek fjalët.
Por pohon se Xhevairi ka ushtruar dhunë në mënyrë të vazhdueshme ndaj saj. Madje pranon se edhe nëse do kishte qenë prezentë në skenën e krimit, nuk do ia kishte ndalur vrullin bashkëshortit të saj.
Një pjesë e intervistës së vjehrrës së Merushes për “News 24”:
Ju e dinit që kishte një marrëdhënie të Fatjonit me familjen e Merushes para se ta merrte?
Çfarë të thosha, ai e donte këtë.
Unë me Merushen flisja, por fshehurazi atij. Ai më thoshte mos i fol dhe djalit se do të ther, unë i thosha do i flas se atë djalë kam.
Po të kisha qenë dhe unë atë ditë, do më kishte therur.
A je dhunuar nga Xhevahiri?
Posi, posi, çfarë kam hequr. Unë e di.
Do kishe ndërhyrë po të ishe atë ditë?
Ku mundesha unë, nuk ia dilja dot.
Për çfarë zihej Fatjoni me të atin?
Ziheshin për pusin, për gjëra kot, pse e bëre kështu. S’e linte djalin të merrte ujë, shkonte te komshiu djali.
Po kur nuk ishte në shtëpi Fatjoni?
Kur ishte larg nuk e ndjente fare.
Nuk e donte Merushen, ai bam, ajo bam. Posi. isha këtu një ditë, nuk e donte jashtë mase. Isha këtu një ditë, vetëm llafe. I thashë mbaje pak gojën se je nuse, le të flasë një llaf më tepër.
Merushja thoshte do bashkëjetojmë bashkë
Fatjoni ka dhënë një dëshmi për mediat, se Xhevahiri ka hyrë nga dritarja në dhomën e Merushes…
Unë nuk e dija. Në mëngjes e mora vesh. Më tha nusja tjetër, këtu është puna. Nuk më tha Xhevahiri. I thashë qysh hyre, më tha nuk hyra kështu, por për ta trembur, çfarë kërkon këtu. Unë s’dija gjë se ai flinte në dhomë tjetër. Kishim 20 vite që flinim veç e veç.
Zhurmën e Merushes e dëgjove?
Nuk dëgjova gjë, por dhe po ta dëgjoja i kishte kyçur dyert.
