Në muajin shkurt 2022, ish-ministri i Brendshëm Saimir Tahiri është dënuar për shpërdorim detyre me 3 vjet e 4 muaj heqje lirie.
Ndërkohë që pas më shumë se 2 muaj në burg,Tahiri bën lëvizjen e radhës.
Ish-ministri i Brendshëm ka bërë kërkesë në Gjykatën e Lartë për pezullimin e dënimit me burg. Sipas Tahirit vendimi i Apelit është marrë në kundërshtim me ligjin, ndërsa ka theksuar se është i rrezikuar nga subjektet e krimit. Po ashtu mësohet se rekursi do të depozitohet brenda ditës së sotme.
“Tahiri ka vënë në lëvizje Gjykatën e Lartë duke bërë kërkesë për pezullimin e vendimit të Gjykatës. Tahiri thotë se kjo vuajte dënimi nuk mund të vijojë. Në kërkesë shkruhet se familja e tij gjendet e ekspozuar ndaj pasojave të mundshme dhe se vendimi cënon rëndë interesat e tij”, raportoi gazetarja Klodiana Lala.
Ndërkohë në gjithë përballjen e tij me drejtësinë shqiptarë ka këmbëngulur në pafajësinë e tij.
Ish-ministri u akuzua për shpërdorim detyre, në kohën që ka drejtuar dikasterin e Ministrisë së Brendshme.
“Jam moralisht i qetë. Nuk kam shkelur ligjin, kam bërë detyrën si më mirë çmunda”, është shprehur ish-ministri I Brendshëm Tahirhi pasi dhënies së vendimit me 3 vite e 4 muaj burg nga gjykata.
Ish-ministri Saimir Tahiri u dënua me 3.4 vite burg nga Gjykata e Apelit për akuzën e shpërdorimit të detyrës, pasi u provua lidhja e tij me kushërinjtë Moisi dhe Artan Habilaj, lidhje që më tej ka lehtësuar aktivitetin e grupit kriminal.
