Një vendim i rëndësishëm është marrë nga Komisioni i Pavarur i Kulifikimit, i cili ka shkakruar drejtuesin e një prej institucioneve më të rëndësishme në sistemin ligjvënës. Tashmë është bërë zyrtar shkarkimi i kreut të Gjykatës së Apelit për Krimet e Rëna, Femi Petku, vendim ky i dhënë vetëm disa minuta më para.
Sipas konstatimeve të KPK-së bëhet se ditur se Petku ka probleme me pasurinë pasi ka mungesë të burimeve të ligjshme dhe ka kryer deklarim të rremë.
Si Inspektoriati i Lartë i Deklarimit dhe Kontrollit të Pasurive ashtu edhe Komisioni i Pavarur i Kulifikimit kanë dalë në të njëjtin përfundim pas hetimit të thelluar, është hedhur dyshim i thellë se kryetari, Petku mund të ketë favorizuar në disa raste bosin e firmës piramidale “Vefa Holding”, Vehbi Alimuça.
Çfarë u konstatua në KPK:
Gjatë seancës, trupa gjykuese relatoi se vetë Inspektorati i Lartë i Deklarimit dhe Kontrollit të Pasurive kishte konstatuar se Petku ka probleme me pasurinë sepse ka mungesë të burimeve të ligjshme dhe ka kryer deklarim të rremë. Në një përfundim të njëjtë doli edhe KPK pas hetimit të thelluar që kishte kryer për pasurinë e kryetarit të Apelit për Krimet e Rënda. Sipas trupës gjykuese, ai ka pasuri në pjesë takuese: Truall 272 m2 blerë nga babai i tij; 1/4 e një banesë të ndërtuar në këtë truall; 1/4 e një sipërfaqeje 700 m2; 1/4 e një sipërfaqeje 2000 m2; 1/4 truall 16 mijë m2 blerë nga babai në 1996. Duke qenë se këto pasuri Fehmi Petku i ka trashëguar nga i ati i tij, hetimi i komisionerëve të vetingut u shtri deri tek pasuria e babait.
Në fund, KPK arriti në përfundimin se Petku ka mungesë të burimeve të ligjshme dhe se nuk e justifikon dot pasurinë e tij. Komisioni i Pavarur i Kualifikimit ngriti si dyshim dje në seancë dëgjimore se kryetari i Gjykatës së Apelit për Krimet e Rënda mund të ketë favorizuar bosin e firmës piramidale “Vefa Holding”, Vehbi Alimuça. Nga hetimi i KPK rezultoi se familja Petku kishte kryer një transaksion prej 520 mijë dollarësh në vitin 1996 me firmën piramidale “Vefa”. Por konflikti i interesit nis në momentin që Petku ka qenë anëtar i një trupe gjykuese në një proces gjyqësor, ku palë ka qenë edhe Vehbi Alimuça. Duke marrë parasysh faktin që familja Petku kishte investuar tek firma piramidale e Alimuçës, KPK ngriti dyshime se në procesin gjyqësor ky i fundit mund të jetë favorizuar nga Fehmi Petku.
Pra në këtë situatë, sipas KPK, anëtari i Apelit për Krimet e Rënda ka qenë në konflikt interesi dhe nuk duhet të kishte marrë pjesë në procesin gjyqësor ndaj Vehbi Alimuçës. Bosi i firmës piramidale “Vefa Holding” u dënua në vitin 2016 me 5 vite e 6 muaj burg. Ai u shpall fajtor për akuzën e pastrimit të parave, pasi rezultoi se kishte fshehur në një llogari bankare në Hungari, 320 mijë dollarë, të përfituara nga aktiviteti i mashtrimit me ish-firmën piramidale “VEFA”. Më herët ai vuajti edhe dënimin e 8 viteve burg për akuzën “Mashtrim” sepse u detyrohet 58 mijë kreditorëve pothuajse 325 milionë dollarë për shkak të aktivitetit të firmës së tij piramidale.
