Ditën e sotme Fieri është tronditur nga një krim në familje, ku 61-vjeçari Xhevair Hoxha ka vrarë me thikë nusen e djalit të tij, Merushe Hazizin.
Pak minuta pas krimit forca të shumë policie kanë mbërritur në vend dhe zona është rrethuar me shiritët e krimit. Gra që shpërthejnë në lot e qajnë me zë vrasjen e dy personave dhe të tjerë njerëz që përpiqen t’i ngushëllojnë, këto janë pamjet e siguruara nga “Ballkan Web”.
30-vjeçarja Merushe Azizi ishte nënë e 3 fëmijëve nga martesa e parë dhe fëmijët jetonin me ish-bashkëshortin, teksa ajo kishte 3 vite që bashkëjetonte me shtetasin Fatjon Hoxha.
Pas konflikteve të vazhdueshme për shkak të mospranimit të kësaj lidhjeje, 61-vjeçari, ka qëlluar për vdekje me thikë të renë dhe më pas është vetëvarur.
Pasi ka kryer krimin në banesën e tyre, 61-vjeçari në gjendje të rënduar psikologjike, autori i ka dhënë fund jetës, duke u varur në varur në një pemë.
Policia fillimisht e lajmëruar për krimin, kur ka shkuar në vendin e ngjarjes, ka gjetur fillimisht Xhevahir Hoxhën të varur në pemë.
Më pas, nga kontrollet në banesë, ka gjetur të pajetë, me shenja nga goditja me thikë edhe të renë.
E reja dhe autori nuk kishin marrëdhënie të mira me njëri tjetrin, ndërsa jetonin në të njëjtën banesë, raporton Gazeta Panorama. Dyshohet se autori ka pasur grindje të vazhdueshme me 30-vjeçaren të cilën nuk e pranonte si nusen e ardhshme të djalit të tij. Gjithashtu vjehrri i kishte kërkuar sot që ajo te largohej vetë nga shtepia, por ajo nuk ka pranuar. Debati mesa duket ka agravuar deri në krimin e rëndë.
