Inceneratorët fundosën shumë emra politikanësh të njohur, mes tyre konkretisht Lefter Koka dhe Alqi Bllako. Të dy janë arrestuar dhe po përballen me drejtësinë.
Edi Rama deklaroi sërish se nuk kishte asnjë përgjegjësi sa i takon arrestimit të ish zyrtarëve të lartë sa i takon ish deputetit, Alqi Bllako dhe ish ministrit të Mjedisit, Lefter Koka.
I ftuar në “Opinion” Rama mohoi përgjegjësinë, ndërsa tha se bashkëpunimi me deputetin dhe ish-ministrin ka qenë i shkëlqyer.
Blendi Fevziu:
Si ndihesh kur shokët e tu janë në burg? A i ke marrë në qafë ti?
Kryeministri, Edi Rama:
Gjërat janë të ndara, raportet personale janë një gjë dhe raporti i punës lidhur me ligjin nga njëra anë është një gjë tjetër. Në rast se ti bën diçka të papritur dhe pa u konsultuar me babain tënd, a do mbash ti përgjegjësi apo babai yt. Me Lefter Kokën dhe Bllakon kemi pasur një bashkëpunim të shkëlqyer në raportin e punës.
Bllako akuzohet për veprat penale shpërdorimi i detyrës dhe korrupsion pasiv i funksionarëve të lartë shtetërorë ose të zgjedhurve vendorë.
Koka ka konsumuar veprat penale “shpërdorimi i detyrës”, kryer në bashkëpunim, “korrupsioni pasiv i funksionarëve të lartë shtetërorë ose i të zgjedhurve vendorë”, si dhe “pastrimi i produkteve të veprës penale apo i veprimtarisë kriminale” , kryer në bashkëpunim.
