Takimi në kuadër të negociatave të paqes midis presidentit ukrainas Zelenskyy me atë të Rusisë, Putin, tashmë më shumë mundësi nuk do të realizohet.
Pas masakrës rrënqethëse që rusët bënë në qytetin ukrainas Bucha, Zelenskyy nuk shprehet aspak optimist në lidhje me realizimin e negociatave ballë për ballë me Putinin.
Në deklaratën e tij më të fundit, Zelensky ka thënë se mundësia për të ndodhur ky bisedim i shumëpritur, është sfiduese, por tashmë, pas masakrës së Buchës ka pak shanse të realizohet.
Nga ana tjetër agjencia ruse e lajmeve IFAX, ka raportuar se bisedimet mes dy vendeve janë duke vazhduar përmes një video-linku.
E pas masakrës në Bucha ku qindra civilë ukrainas u vranë nga forcat ruse, Zelensky tha se Ukraina do të kërkojë për prova që do të përdoren si dëshmi për krime lufte në gjykatën ndërkombëtare.
Theksojmë se në rrjetet sociale janë publikuar video ku shihen civil të mbyllur brenda një podrumi, të lidhur me duar prapa, të cilët më pas thuhet se u ekzekutuan me plumba në kokë. Kryetari i Kievit, Vitaly Kitschko ka thënë se ajo që ka ndodhur në këtë qytet, mund të përshkruhet vetëm si gjenocid.
Ndonëse Rusia ka nisur tërheqjen nga disa qytete pas marrjes në kontroll nga Ukraina, një numër i lartë i viktimave është shënuar gjatë këtyre ditëve.
