Ditën e sotme, në Kurbin në afërsi të fshatit, Adriatik është gjetur një një kafkë njeriu.
Fillimisht eshtrat janë zbuluar rastësisht nga banorët e zonës në rrugën e fshatit Adriatik, të cilët më pas kanë njoftuar menjëherë Policinë e Shtetit.
Ndërkohë që detaje të reja nga gjetja e kafkës së një personi të pa identifikuar në Fushë-kuqe të Kurbinit.
Ngjarja që është konstatuar në mes të Fushë-Kuqes, fshatit Adriatik anash rrugës në disa ferra dhe shkurre, kanë qenë fëmijët të cilët e kanë konstatuar kafkën dhe kanë lajmëruar prindërit e vet.
Ndërkohë prindërit kanë lajmëruar policinë dhe është marrë për t’u dërguar për ekzaminim në Tiranë për të zbardhur dhe identitetin e kufomës.
Banorët jashtë kamerës për “Fax News” shprehen se viktima nuk është nga ky vend por mendohet që e kanë sjellë këtu dhe i kanë vënë zjarrin ferrave gjë e cila shihet edhe nga pamjet.
Njoftimi i policisë së shtetit më herët:
Kurbin/ Informacion paraprak
Me datë 03.04.2022, rreth orës 13: 30, kemi marrë njoftim se në vendin e quajtur “Fushë Kuqe”, në një parcele me ferra , nga shërbimet e Policisë Kufitare Shëngjin janë konstatuar mbetje kockore si ato të njeriut.
Shërbimet e Policisë dhe grupi hetimor ndodhen në vendngjarje, ndërsa mbetjet kockore do të dërgohen në Institutin e mjekësisë ligjore ,për ekzaminime të mëtejshme.
Theksojmë se deri më tani nga burime të besueshme nga grupi hetimor, dyshohet se kemi të bëjmë me një viktimë të seksit mashkull, rreth 30-40 vjeç që mendohet se ka vdekur brenda 10 viteve të fundit. Kështu që Policia dhe Prokuroria e Kurbinit kanë kërkuar ndihmën e familjarëve të personave të zhdukur gjatë këtyre viteve për të krahasuar mostrat, e për të zbuluar më pas identitetin e personit që është gjetur sot. Megjithatë nuk ka ende ndonjë të dyshuar se kush mund të jetë viktima.
