Pas kërkesës së Prokurorisë, Gjykata e Elbasanit ka dhënë masën e sigurisë për 3 mjekët që mjekuan në shtëpi Nuredin Dumanin.
Mësohet se për ndihmës mjekun Julian Malaj është vendosur masa ‘Detyrim Paraqitje’, ndërsa për mjekët Bledi Bërdallin dhe Ermal Gjeçin masën “Arrest shtëpie”.
Kujtojmë se këta 3 mjekë, mjekuan në banesë shtetasin Nuredin Dumani, i cili mbeti i plagosur të martën në Elbasan, gjatë një shkëmbimi zjarri, me të shumëkërkuarin Talo Çela.
Në pranga ka rënë edhe një shtetase kosovare që ishte shoqëruesja e Dumanit, e cila kishte marrë edhe një banesë me qira.
Emrat jane bere me dije ne emisionin “Ne Shenjester” dhe janë Juljan Malaj Ermal Gjeçi ndersa infermieri Bledi Berdalli.
Mjekët janë vënë në pranga me akuzën e moskallëzimit të krimit në vend që ta denonconin në polici.
Dumani u arrestua mbrëmjen e djeshme pasi mbeti i plagosur në atentatin e një dite më parë në Elbasan.
Sipas informacioneve të siguruara, Dumani ka qenë i armatosur dhe i plagosur në momentin e arrestimit nga forcat speciale “RENEA”.
Nuredin Dumani dyshohet se ka ekzekutuar vëllain e Bujar Çelës në Elbasan, si shkak i përplasjes së grupeve kriminale për prishjen e pazareve të drogës. Ai ka qenë i shpallur më parë në kërkim për vrasjen e vëllezërve Viktor dhe Besmir Haxhia në Durrës.
