Një ngjarje e rëndë është parandaluar nga policia e Elbasanit ndërsa është arrestuar një person.
Sipas burimeve policore 44-vjeçari Luan Pjetri dhunoi bashkëshorten e tij dhe më pas e kërcënoi se do e vriste me armë zjarri.
Falë ndërhyrjes së policisë u bë e mundur përshkallëzimi i konfliktit në familje dhe u prangos 44-vjeçari.
Ai akuzohet për veprat “Dhuna në familje” dhe “Mbajtja pa leje dhe prodhimi i armëve, armëve shpërthyese dhe i municionit”.
Ndërkohë policia i sekuestroi edhe një automatik, me të cilën ka kërcënuar bashkëshorten e tij.
Elbasan
Parandalohet një ngjarje e mundshme kriminale në familje.
Vihet në pranga 44-vjeçari që ushtroi dhunë fizike ndaj bashkëshortes së tij dhe e kanosi atë me armë zjarri.
Sekuestrohet një armë zjarri automatik.
Specialistët e Hetimit të Krimit të Komisariatit të Policisë Elbasan, pas kallëzimit të marrë nga shtetasja M. P. se bashkëshorti i saj e dhunonte dhe e kishte kanosur me armë zjarri, kanë organizuar punën për kapjen e autorit të dyshuar.
Falë ndërhyrjes së shërbimeve të Policisë është bërë i mundur parandalimi i ngjarjes së mundshme kriminale në familje, pasi ky shtetas e ka dhunuar fizikisht bashkëshorten e tij dhe e ka kanosur atë se do ta vriste me armë zjarri.
Në vijim të veprimeve u bë ndalimi me iniciativë i shtetasit L. P., 44 vjeç, banues në lagjen “Vullnetari”, Elbasan, për veprat penale “Dhuna në familje” dhe “Mbajtja pa leje dhe prodhimi i armëve, armëve shpërthyese dhe i municionit”.
Gjatë kontrollit të ushtruar në banesën e këtij shtetasi, shërbimet e Policisë kanë gjetur dhe sekuestruar një armë zjarri automatik.
Materialet i kaluan Prokurorisë, për veprime të mëtejshme.