Ndryshimi i trajnerit të Kukësit duket se nuk ka bërë punë, pasi edhe një herë tjetër pankina e bardhebluve ka mbetur pa drejtues. Ranazan Ndreu largohet nga roli i trajnerit të Kukësit pas humbjes që pësoi me Kastriotin. Ky lajm është pohuar nga vet klubi, përmes një postimi në faqen zyrtare në rrjetin social, Facebook.
Sipas drejtuesve të klubit, Ndreu nuk e ka menaxhuar siç duhet lojën dhe ishte inaktiv, gjë që ka bërë që Kastrioti të fitojë me rezultatin 2-1.
Postimi i plotë i klubit FK Kukësi
FK Kukësi njofton se, pas humbjes sot në Fushë Krujë me rezultatin 2 – 1 me KS Kastriotin, shkarkohet trajneri Ramazan Ndreu . Ndreu nuk menaxhoi si duhet lojen dhe ishte shumë inaktiv në pankinë. Trajneri ka patur mbështetje maksimale nga klubi dhe Presidenti, por humbja e sotme e ngarkon me përgjegjësi të plotë. Në vijim do kemi komunikime të tjera me publikun”, shkruhet në njoftim.
Ndreu më herët ka mbajtur postin drejtorit të menaxhimit dhe mori drejtimin e verilindorëve, pas shkarkimit të Armando Cungut. Kjo ishte humbja e parë për Ndreun, pas 3 ndeshjeve në krye të Kukësit; 1 fitore, 1 barazim dhe 1 humbje.
Në javën e 27- të të Superligës, Kukësi pozicionohet në vendin e dytë në tabelë, me 45 pikë, 12 pikë larg vendit të parë, Partizanit.
