Rritja e çmimeve është një nga temat më të diskutuara së fundmi, pasi i prek të gjithë qytetarët.
Ndërkohë që fatura e energjisë, sipas kryeministrit Rama do të rritet në vazhdimësi dhe madje ai bëri një krahasim duke e konsideruar atë aktuale si një “biberon qumshti” për qytetarët.
‘Përtej gjërave shqetësuese dhe skenarëve që mund të jenë më të vështirë kam bindje se do t’ja dalim. Koha do tregojë se nëse konflikti do agravohet dhe nuk do ketë marrëveshje, BE do veprojë për të hedhur burime ekstra financimi për të mbështetur ekonomitë dhe gjithë popujt e vet. Mua dhe të tjerëve në rajon na takon të bëjmë presion që të mos ndodhë si me COVID. E kemi filluar ketë punë dhe kjo nuk do mbetet në rënie të lirë. Deri atëherë ne kemi paketën e rezistencës për ata që goditen drejtpërdrejt…Nuk ka njeri që shkon i pangrënë në shtrat…Nëse ne zgjidhim problemin e transportit të gjitha ta që nuk kanë veture marrin urban dhe të vijojnë të marrin pa paguar asnjë qindarkë më shumë…Skenari është që të kemi kapacitet që të vazhdojmë ta paguajmë energjinë…Që të mos rritet energjia për ju duhet të shkojmë në 650 mln euro vetëm për të paguar këto. Ne do e bëjmë me çdo kusht. Këta që flasin t’ua çojmë njëherë faturën siç është do dalin të thonë aman vetëm këtë na hiqni se pompa e naftës do u duket si biberoni i qumështit kur ishin të vegjël. Përtej tre muajit prapë duhet të kemi rezervë. Duhet të përgatitemi për të gjitha. Për sa kohë kemi frymë dhe jetë duhet të vijojmë pa panik…’, u shpreh Rama.
