Për të shprehur revoltën e tyre në lidhje me rritje alarmante të çmimeve studentët e universitetit të Korçës kanë bojkotuar mësimin dhe kanë dalur në protestë.
Studentët po marshojnë nga universiteti në drejtim të Katedrales së qytetit, ndërsa arsyet se përse kanë dalë në këtë manifestim janë të shumta.
1.Po protestojnë për rritjen e çmimit të naftës.
2.Protestojnë për rritjen e çmimit të biletave të transportit, një kosto e shtuar e
studentëve që udhëtojnë çdo ditë për në Korçë.
3.Protestojnë për rritjen e çmimit të shportës së ushqimeve.
4.Protestojnë për papunësinë.
Studentët kërkojnë vëmendjen dhe ndërhyrjen e menjëhershme të qeverisë me paketa lehtësuese për qytetarët.
Kujtojmë që në Tiranë prej dy ditësh po zhvillohet protestë kundër abuzimit me rrijen e çmimeve.
Nafta në Shqipëri po arrin shifër të çmendur çmimi, teksa një litër po kap vlerën e 300 lekëve ndërsa kjo rritje ka revoltuar pa masë qytetarët.
Ditën e djeshme, ata janë ngritur në protestë masive në kryeqytet, për të kundërshtuar rritjen e pajustifikueshme të çmimit të naftës. Të shumtë ishin ata që dolën me pankarta në duar e thirrje të ndryshme drejtuar qeverisë për këtë padrejtësi.
Si çdo herë tjetër edhe kësaj here, AK ka hapur një hetim për tregun e karburanteve, përfundimin e të cilit e dimë të gjithë.
Kjo është një tjetër shfaqje për sy e faqe e Denar Bibës, i cili bën sikur monitoron shkeljet në Shqipëri dhe nuk i jep asnjë zgjidhje situatës, ashtu siç ndodhi me hetimin për tregun e miellit.
