Ditën e djeshme u zhvilluan zgjedhjet e pjesshme vendore, përkatësisht në gjashtë bashki të vendit, atë të Vorës, Shkodrës, Durrësit, Dibrës, Lushnëjs dhe Rrogozhinës.
Tashmë ka përfunduar procesi i numërimit të votave në Dibër dhe rezultati final i votave bën fitues kandidatin e Partisë Socialiste, Rrahim Spahiu.
Spahiu ka marrë gjithsej 13 955 vota duke kryesuar në këtë mënyrë na kandidatët e tjerë. Një nga kutitë është e pa numëruar pasi është e konstatuar se ka qenë e thyer.
Në këtë bashki, ndryshe nga bashkitë e tjera në garë janë katër kandidatë, Rahim Spahiu me logon e PS, Luan Haka me logon e PD, kandidatin e Shtëpisë së Lirisë, Premtim Kryemadhi dhe Dritan Torba i Lëvizjes së Re.
Theksojmë se gjithsej në total në 6 bashkitë e vendit kanë votuar vetëm 30.29% e 654,538 qytetarëve shqiptarë që kishin të drejtë vote. Në vend të parë renditet Dibra me 43.35% e qytetarëve. Në vend të dytë vjen Vora 38.47%, e treta Lushnja me 35.96% dhe e katërta Rrogozhina me 30.92%. Dy vendet e fundit i zënë Shkodra e Durrësi me përkatësisht 29.11% dhe 26.4% të votuesve. 654,538 qytetarë shqiptarë me të drejtë vote kishin mundësinë tu drejtoheshin kutive të votimit për të zgjedhur kryetarët e rinj të bashkive Vorë, Rrogozhinë, Lushnjë, Shkodër, Dibër dhe Durrës, të cilët do të kenë një mandat 1-vjeçar.
