Pas një sherri të ndodhur në zyrat e ALUZINI-t në Kukës, një 40-vjeçar ka marrë çiften dhe ka tentuar të vrasë drejtorin e institucionit.
Sipas “shqiptarja.com” salla operative e policisë Kukës është njoftuar përmes një telefonate se një banor kishte kërcënuar me jetë drejtorin e ALUIZNI-t Vladimir Spahiu.
Efektivët e policisë janë vënë menjëherë në lëvizje dhe ka arrestuar në flagrancë 40-vjeçarin me iniciale P.H. Arrestimi është bërë në ambientet e institucionit.
Mësohet se pasi ka kërcënuar Spahiun, 46-vjeç, i arrestuari është kthyer në banesën e tij ku ka marrë armën e gjahut që e posedonte me leje.
Pasi është rikthyer sërish, është vënë në pranga nga policia dhe pritet të hetohet nga Prokuroria e Kukësit për “kanosje për shkak të detyrës” dhe “prishje të qetësisë publike”.
