“Pezullimi” i Gjykatës Kushtetuese nuk do të vazhdojë dhe për shumë dhe këtë e ka vërtetuar vet Ministrja e Drejtësisë Etilda Gjonaj.
Nga Komisioni i Integrimit në Kuvendin e Shqipërisë, Gjonaj ka qenë duke folur për ecurinë e Reformës në Drejtësi dhe luftën kundër korrupsionit. Në momentin që është shprehur edhe për Gjykatën Kushtetuese, e cila tha se ka për ta marrë kuorumin e nevojshëm brenda muajit qershor të këtij viti, ku gjithashtu do të emërohet edhe Inspektoi i Lartë i Drejtësisë.
Komisioni këtë herë duket se ka qenë disi i plotësuar, pasi të pranishëm kanë qenë edhe deputetët e rinj të opozitës, prej nga nuk kanë munguar edhe kritikat.
Ka qenë Kryetarja e Grupit Parlamentar të Partisë Demokratike ajo që ka shprehur disa vërejtje për punën që Ministria e Drejtësisë ka bërë sidomos për luftën kundër korrupsionit dhe pronat.
Mirëpo menjëherë Gjonaj ka treguar se lufta ndaj këtij fenomeni ka dhënë edhe rezultatet e saj pozitive ku deri më tani janë marrë 396 masa administrative, 344 masa disiplinore, ndërsa 36 persona janë kallëzuar penalisht.
