Në Kosovë ka ndodhur një ngjarje e pazakontë, pasi një vajzë 13-vjeçare është bërë nënë. 13 vjeçarja ka sjellë në jetë një vajzë 2.9 kg. Mjekët thonë se gjendja e nënës dhe e të sapolindurës është e mirë.
Vajza me inicialet Rr.H. muajin e kaluar mbushi 13 vjeç.
Ndërkohë edhe babai i fëmijës së sapolindur është një 16 vjeçar, i cili është shprehur se e bija erdhi në jetë nga dashuria.
Të njëjtën gjë e thanë edhe familjarët e vajzës të cilët po ashtu e pranojnë se ishin në dijeni si për lidhjen ashtu edhe për shtatzëninë e bijës së tyre.
Mesa duket ky nuk është rasti i së drejtës zakonore, ku vajzat martohen në moshë minorene dhe si rrjedhojë bëhen dhe nëna. Nisur nga fakti që partneri i saj dhe familjarët gjithashtu e konsiderojnë lindjen e vajzës si një fryt të dashurisë.
Vlen të theksohet se 3827 vajza adoleshente u martuan gjatë 2017-ës, përkundër vetëm 120 bashkëmoshatarëve të tyre djem. Si pasojë shumica lënë shkollën, bëhen nëna kur janë ende fëmijë për vete dhe mbeten të paarsimuara duke ngushtuar mundësitë që në të ardhmen të gjejnë një vend pune. Për ekspertët kjo është vetëm maja e ajsbergut, pasi qindra martesa të tjera, që ndodhin përpara fisit, nuk raportohen pa mbushur moshën ligjore.
