Pasditen e sotme një tjetër tërmet ka tundur sërish Shqipërinë, pas lëkunjdeve të forta të 9 janarit.
Mësohet se epiqendra e tërmetit ka qenë sërish në Greqi. Lëkundja 4.3 gradë e shkallës rihter është ndjerë në të gjithë Shqipërinë, kryesisht në Korçë. Deri më tani nuk raportohet të ketë shkaktuar dëme materiale apo në njerëz. Mediat greke gjithashtu raportojnë për një situatë të qenë në vendin ku dhe ka qenë epiqendra e lëkundjes, në Follorinë të Greqisë.
Kujtojmë se vetëm dy netë më parë vendi ynë u trondit nga një tjetër lëkundje që kshte epiqendrën në Greqi. Tërmeti me magnitudë 5.6 gradë të shkallës Rihter shkundi mbrëmjen e së dielës shtatë shtete, përfshirë dhe Shqipërinë, duke shkaktuar edhe dëmet e para në banesa. Si pasojë e lëkundjeve të forta që u ndjenë edhe në vendin tonë, tërmeti ka shkaktuar dëme në disa fshatra të Devollit, ku raportohet 6 banesa të dëmtuara. Megjthatë fatmirësisht nuk u raportua për të lënduar në njerëz.
Instituti i Gjeoshkencave ka reaguar zyrtarisht pas tërmetit me epiqendër në Greqi që shkundi dhe vendin tonë. Në një njoftim për mediat, IGJEUM bën me dije se tërmeti me magnitudë 5.8 gradë të shkallës rihter ka rënë në kufi midis Maqedonisë së Veriut e Greqisë.
Konkretisht, sipas njoftimit ka qenë rreth 5 kilometra në lindje të Pogradecit.
“Per momentin kemi termet me M-5.8 Richter. Ndodhet ne kufi midis Maqedonise dhe Greqise dhe rreth 5 km ne lindje te Pogradecit,”- shkruhet në njoftim.
Ndërkohë media greke “Ta Meteora” njofton për tërmetin e fundit që ra në qytetin e Follorinës në Greqi dhe që u ndje në Shqipëri, Kosovë dhe Maqedoni të Veriut. Sipas Institutit Gjedinamik të Athinës, tërmeti është i shkallës 5.8 Richter dhe epiqendra e tij ka qenë 6 km nga veri-veriperëndimi i Follorinës.
