Dy persona u shfaqën papritur të plagosur me armë pasditen e sotme në Spitalin e Traumës në Tiranë.
Një prej tyre është Gentjan Bejtja, 41 vjeç, nga fshati Larushk i Fushë-Krujës. Por ky nuk është një emër i panjohur pasi rezulton t’i ketë shpëtuar një atentati me eksploziv në vitin 2016.
Bejtja, një ish-polic i burgut të Fushë-Krujës është gjithashtu një emër i njohur për policinë. U bë publik më 26 shkurt të vitit 2013, një ditë pas vrasjes së kryekomisarit Dritan Lamaj, i cili ra pre e një atentati në rrugën “Petro Korçari”, pranë banesës së tij.
Bejtja bashkë me Enver Stafukën (i rrëmbyer dhe zhdukur që nga mbrëmja e 8 shkurtit 2015).
Të dy vodhën makinën e llojit “BMW” që u përdor në vrasjen e kryekomisar Lamajt në vitin 2013. Automjeti i ishte vjedhur një ditë para vrasjes në rrugën “Aleksandër Goga” në Durrës dhe pas krimit, autorët e vrasjes e dogjën pranë Domjes në Tiranë. Bejtja dhe Stafuka u vunë në pranga në atë kohë nga policia, por u liruan në vitin 2015.
Hetimet
Hetuesit të cilët e kanë marrë në pyetje dhjetëra herë Bejten , për shumë çështje të tjera, edhe këtë radhë nuk kanë marrë informacion të vlefshëm nga 35-vjecari, në lidhje me konflikte të mundshme me persona të tjerë. “ Nuk kam konflikte me njeri, as nuk kam patur, nuk e di kush mund ta ketë bërë. Gjejeni ju autorin, “ mësohet se I ka thënë hetuesve 35-vjecari nga spitali I Traumës në Tiranë ku gjendjet nën kujdesin e mjekëve.
Hetuesit kanë shoqëruar mbi 20 persona gjatë ditës së sotme kryesisht të afërm e miq të 35 vjecarit, por edhe persona me precedent penalë , për të zbuluar identitetin e autorëve. Hetuesit janë treguar shumë të matur në lidhje me këtë ngjarje , për vetë faktin se miku I Bejtes Enver Stafuka është zhdukur pa asnjë gjurmë prej 8 shkurtit të 2015. Burimet bëjnë me dije se shkak I atentatit, ëhstë e kaluara e tij kriminale. “ Nuk mund të dimë nëse ishte paralajmërim apo tritoli u vu për ta vrarë, por ku ishte një kërcënim serioz përjetën e 35 vjecarit” pohojnë burimet.
