Ditën e sotme është zhvilluar protesta e thirrur nga ish-kryeministri Sali Berisha, e cila filloi ne orën 10:00 dhe më vonë nga mesdita u përshkallëzua në akte të dhunshme.
Pas disa orësh tensione dhe dhunë në selinë e PD-së, por dhe në disa rrugë të kryeqytetit, pranë kësaj godine, ish-kryeministri Sali Berisha ka njoftuar mbylljen e protestës.
Në një deklaratë për mediat Berisha u shpreh se do të kujdest që personat e arrestuar si dhe për të plagosurit nga protesta.
Gjithashtu ish-kryeministri shtoi se shumë shpejt do të ketë organizime të tjera, të cilat nuk do të ndalen deri sa të arrihet qëllimi i tyre.
“Kjo protestë iu faktoi shqiptareve fytyrën e vërtetë të regjimit të sotëm. Ju faktoi në mënyrë përfundimtare se Edi Rama mban peng Lul Bravën dhe së bashku me të, me dhunë dhe terror, shtëpinë e PD-së. Ky përbën një akt të pashembullt në 30 vite. Përpjekjet për të shkuar në shtëpinë e lirisë, do të vazhdojnë deri në arritjen e qëllimit. Sot ne do të shpërndahemi. Do të kujdesemi që vëllezërit tanë dhe motrat e arrestuara. pasi janë vërsulur si bisha ndaj tyre për të mbushur komisariatet. Do të kujdesemi për të plagosurit, të cilët janë goditur me çarje koke dhe në forma të tjera. Do njofton shumë shpejt betejë tjetër të cilat nuk do të ndalen kurrë, deri në fitoren tonë.”, tha Berisha.
