Ditën e sotme po zhvillohet protesta që ishte paralajmëruar prej kohësh nga ish-kryeministri Sali Berisha.
Ish-kryeministri Sali Berisha futet brenda selisë së Partisë Demokratike, i shoqëruar nga mbështetësit e tij, ndërsa në hundë mban një maskë kundërgaz.
Por Berisha është lënduar nga gazi lotjesllës i hedhur nga Policia.
Berisha nuk ka bërë asnjë deklaratë në lidhje me largimin e tij nga selia pasi edhe vetë ka qenë i lënduar nga gazi lotjesllës. Ish-kryeministri është shoqëruar nga truprojet e tij dhe protestuesit.
Më herët Berisha tha se sot PD do të jetë shtëpia e Lirisë. Drejtuar kreut të PD Lulzim Basha, Berisha tha se e vetmja gjë që duhet të bëjë është të hapë dyert.
Berisha pas akteve të dhunës në derën e PD tha: Do mbetet protestë paqësore, i ftoj të gjithë të cilët do të shndërrojnë bunkerin në shtëpinë e lirisë, të ruajnë gjakftohtësinë.
Ndërkohë nga ana tjetër deputeti demokrat Ervin Salianji në një deklaratë nga selia blu tha se Godina nuk vlen më shumë se jeta e demokratëve.
“Nga selia e PD ku për fat të keq një grup ish zyrtarësh të PD përdorën çdo mjet dhune për të na sulmuar, ne zgjidhjen nuk e mendojmë që vjen nga dhuna dhe rriskimi i jetës së demokratëve, asgjë nga kjo godinë nuk vlen më shumë se jeta e demokratëve dhe vendosja e tyre në këtë limit njerëzor , tregon dëshpërimin e thellë të Berishës. Këto nuk janë protesta paqësore , kudo gjen shenja dhune në këtë godinë”, u shpreh Salianji.
