Një fëmijë 3-vjeçar është dërguar pa shenja jete në Spitalin e Fierit.
Mësohet se 3-vjeçari ka qenë në kopsht privat.
Në momentin që ka mbërritur në spital, fëmija 3 vjeç nuk ka reaguar.
Informacion paraprak
Në orën 13:00, në një kopsht privat në qytetin e Fierit, ka ndërruar jetë një fëmijë 3 vjeç.
Grupi hetimor po punon për zbardhjen e shkaqeve të vdekjes së fëmijës.
Detaje të reja janë zbardhur nga ngjarja e rëndë e ndodhur në Fier ku një fëmijë 3 vjeç ndërroi jetë në kopështin privat ku shkonte çdo ditë për të mësuar. Lidhur me këtë ngjarje tronditëse, është shprehur dhe daja i vogëlushit i cili rrëfen sesi ishte gjendja e 3 vjeçarit kur kishte shkuar në spital. Ndër të tjera ai zbulon gjithashtu se mjeku i kishte thënë se i mituri kishte një shenjë në grykë.
“Unë jam daja i fëmijës. Ne e kemi çuar djalin në mëngjes në kopësht, vetëm kur na vjen lajmi që hajdeni se djalin e keni keq. Më marrin në telefon, më njoftojnë dhe vij me vrap e dërgojmë në urgjencë. Aty takohem me doktorin e pyes për situatën, dhe më tha se djali na ka ardhur këtu i pajetë. Më tha që kishte një shenjë këtu në grykë. Për këtë duam drejtësi”– u shpreh daja i fëmijës.
Sipas burimeve të Fax News sa i përket rrethanave të ngjarjes, dyshohet se, 3 vjeçari i ndjerë ka qenë veshur me xhup, te varsja e rrobave kur ka dashur të mari cantën, ka ngecur kapuci i xhupit dhe si pasojë është mbytur.
