Ditën e sotme në selinë e PD, ish kryeministri Sali Berisha ndonëse nuk tentoi të hyjë këtë herë në ambjentet e godinës, u shpreh se deputeti Basha kërkon të të konfiskojë ndërtesën e saj shtëpinë e demokratëve duke e trajtuar sikr ta ketë pronë personale
“Unë me këtë rast dua t’u sqaroj cdo qytetar të këtij vendi, cdo demokrat, se qëndrimi ynë nuk ka të bëjë më një zyrë, me një tryezë por ka të bëjë me zbatimin e parimit më themelor mbi të cilën ndërtohen organizatat e lira, ndërtohen shoqëritë e lira, vendet e lira Ka të bëjë me atë parim sipas të cili shumica vendos pakica respektohet. Në qëndrimin e deputetit Basha del e qartë se ai si pakicë kërkon të dhunojë shumicën, kërkon të konfiskojë ndërtesën e saj shtëpinë e demokratëve duke e trajtuar sikur ta ketë pronë perosnale.
Kemi të bëjmë me një parim themelor të demokracisë. Me një përpjekje të jashtëzakonshme por edhe tejet kriminale për asgjesmin e pluralizmit politik për të mbortjur individë që s kanë asnjë lloj morali politik apo njerëzor. Ftoj sot të gjithë anëtarët e PD, 44 mijë anëtare të PD, por edhe gjithë të tjerët, të gjithë ata që firmosën në liri të plotë shkarkimin e ish kryetarit të tyre për dhunimin flagrant të statutit të parimeve, dhe të cdo lloj norme tjetër demokratike në PD.” u shpreh Berisha ndërsa një mesazh kishte edhe për punonjësit e PD.
“Ftoj të gjithë anëtaret e PD, të bashkohen për të marrë në dorëzim shtëpinë e tyre, për ta shndërruar në shtëpi lirie, në një protestë paqësore, një ngjarje madhore të revolucionit tonë paqësor.
Garantoj të gjithë punonjësit se protestuesit nuk kanë as edhe hatërmbetjen më të vogël ndaj tyre. të qëndrojnë të qetë, problemi i vetëm është hapja e dyerve të kësaj shtëpie dhe çlirimi i saj nga peng Basha. Nesër ftoj të gjithë deputetët e PD, të jenë këtu me anëtarët e tyre dhe mos qëndrojnë asnjë minutë me një njeri që partinë që ata i besuan, partinë për të cilën ata investuan kapitalin e tyre, i bëri ata deputetë i lartësoi në nivelin më të lartë politikë, në një parti blindesh burgu e bravash.”- vijoi Berisha.
