Ekzekutimi i Jurgen Kurtit ka qenë një nga më të përfolurat, përpos faktit që detaje të reja kanë dalë rreth vrasësve të tij.
Përgjimet e policisë kanë nxjerrë se Elsi Levendi ka qenë personi që ka lajmëruar Klodian Banen se Kurti ka dalë nga palestra dhe ka qenë duke shkuar për në shtëpi.
Pamjet e kamerave tregojnë makinën e përdorur nga autorët, me të cilin kanë bërë disa manovra, ndërkohë që kanë qenë edhe kundravajtje shumë pranë vendit ku ka ndodhur vrasja.
Dyshimet deri më tani të policisë janë se Klodian Bane ka dalë nga makina dhe ka qëlluar disa herë mbi Kurtin dhe më pas është larguar me shpejtësi drejt “liqenit të thatë”.
Sipas KlanTv, shumë pranë vendit të krimit rezulton se një person ka ndërruar targat duke vendosur ato origjinale. Kjo lëvizje ka sjellë dhe identifikimin e pronarit të mjetit, i cili rezulton të jetë Klodian Bane.
Pas kryerjes se atentatit, Elsi Levendi largohet me një taksi të cilën e mori tek Posta nr.8 dhe është larguar në drejtim të zonës së “liqenit të thatë”. Aty është takuar me Klodian Banen dhe pas disa minutash mbërrin dhe Olsi Qalliaj me një mjet Audi.
Kanë qenë pikërisht këto detaje që kanë bindur Gjykatën e Krimeve të Rënda të jap vendimin për arrestimin e tre të rinjve, ku i akuzon ata për vrasjen, mirëpo deri më tani, asnjë prej tyre nuk ka pranuar se ka gisht në të.
Policia deri më tani ka ngritur disa pista hetimi të cilat është duke i ndjekur për të përcaktuar shkakun e ekzekutimit të Kurtit, megjithatë tek ajo që janë duke u përqendruar më shumë duket se është hakmarrja, megjithatë kjo mbetet për t’u parë në ditët në vazhdim.
