Ashtu si pas çdo proteste, Policia e Shtetit nxjerr emrat e personave që sipas saj kanë shkelur ligjin gjatë tubimit.
Këtë pasdite, efektivët blu kanë shoqëruar 23 protestues, pasi ka dyshime se kanë hedhur mjete piroteknike, pra kapsolla në drejtim të tyre, gjë që ka rrezikuar rrjedhimisht jetën e punonjësve dhe protestuesve të tjerë.
Sipas Ballkanweb, të shoqëruarit ndodhet momentalisht në Drejtorinë e Policisë së Tiranës dhe në disa komisariate të tjerë, të cilët nuk janë bërë të ditur.
Ndërkohë që janë duke u verifikuar të gjithë të shoqëruarit, qytetarët janë duke u mbledhur para Drejtorisë së Policisë për t’i mbështetur ata.
