Një krim i tmerrshëm ka ndodhur brenda një familje në Varese, në veri të Italisë, në natën e Vitit të Ri. Davide Paitoni ka vrarë fëmijën e tij 7-vjeçar e më pas ka fshehur trupin e të mitur në dollap.
Ndërkohë Davide Paitoni, 40-vjeç është arrestuar për vrasjen e djalit të tij 7-vjeçar.
Mediat italiane shkruajnë se ngjarja ka ndodhur mbrëmjen e së shtunës në provincën Varese në Itali dhe se 40-vjeçari pas vrasjes së djalin ka tentuar të vrasë edhe gruan e tij.
Sipas hetuesve Davide Paitoni kishte sjellje të dhunshme dhe se në vitin 2019 kishte nisur edhe debatet dhe keqtrajtimet nga ana e tij.
Droga, alkooli dhe dhuna, kjo ishte jeta e 40-vjeçarit Davide Paitoni, shkruajnë mediat italiane.
Gruaja e tij 36-vjeçe kishte kërkuar ndarjen dhe çifti ishte në proces divorci. Kujtojmë që pas krimit makabër, 40-vjeçari telefonoi bashkëshorten e tij e cila ishte larguar nga banesa.
Kur Davide u takua me gruan e tij, tentoi ta godiste me thikë, por ajo arriti të largohej dhe të shpëtonte.
Por aq sa akti i vrasjes i tmerrshëm është edhe mesazhi që Davide la për bashkëshorten duke thënë se kjo ishte një hakëmarrje për të.
Ai gjithashtu në mesazh i kërkoi falje babait të tij të moshuar: Më falni, më fal baba. Davide ishte në arrest shtëpiak për tentativë pasi kishte dashur të vriste një koleg një muaj më parë. Ai përdorte kokainë dhe kishte qënë gruaja e tij që kishte bërë kërkesë për divorc për shkak të sjelljes së tij të dhunshme. Mediat italiane kanë ngritur pyetjen se përse autoritetet gjyqësore e lejuan 40-vjeçarin të kalonte Vitin e Ri me djalin.
