Ndërkohë që jemi në një situatë ku përsëri shifrat e e Covid-19 mbeten shqetësuese, do të ketë një transferim të pacientëve të hospitalizuar me Covid në godina të ndryshme.
Prej dy ditësh urgjenca Qendrore Kirurgjikale në QSUT ka mbyllur dyert për pacientët, ka raportuar “News 24”.
Bëhet e ditur se nga 1 janari i vititi 2022, kjo godinë do të kthehet në një Urgjencë infektivi, ku do të presë rastet me koronavirus.
Kjo lëvizje vjen pasi spitali spitali Infektiv do t’i nënshtrohet një rikonstruksioni. Urgjencat kirurgjikale nuk do të trajtohen më në këtë godinë, por me një grafik do të bëhet shpërndarja në dy spitale të tjera.
Bëhet e ditur se nga e enjtja deri të dielën, urgjencat kirurgjikale do të drejtohen në spitalin e Traumës, ndërsa nga e premtja deri të shtunën, te “Shefqet Ndroqi”. Tashmë të gjithë peshën e pandemisë së COVID-19 do të duhet ta përballojë spitali COVID 3.
Kujtojmë që Ministria e Shëndetësisë raportoi dje bilancin e Covid-19 përgjatë 24 orëve të fundit. 5 persona kanë humbur jetën në 24 orët e fundit nga Covid-19 ndërkohë që 574 persona rezultojnë të infektuar të rinj. Aktualisht në spitalet COVID po marrin trajtim 90 pacientë, nga të cilët 15 janë në gjendje më të rënduar.
Ndërkohë janë 5506 pacientë aktivë me COVID19 në të gjithë vendin.
