Mbrëmjen e djeshmë një aksident tragjik ndodhi në Mirditë, ku humbën jetën babë e bir.
Pas përplasjes, ndërroi jetë i mituri me iniciale O.P., i cili ishte në sediljen e pasme të makinës, ndërsa në spital ndërroi jetë edhe babai i të miturit, Shkurt Prenga. Bashkëshortja e tij, 26-vjeçarja Fabiola Prenga mbeti e plagosur rëndë dhe u transportua në spitalin e Traumës në Tiranë
Drejtuesi i automjetit “Mercedes-Benz, Arlind Mihaj udhëtonte në drejtim në Milotit dhe në afërsi të një karburanti ka kryer parakalim të gabuar duke i dalë përpara automjetit “Opel Corsa” ku udhëtonte familja Prenga. Si pasojë e përplasjes së fortë, Benz-i ka shpërthyer në flakë, ndërsa drejtuesi i saj, Mihaj me origjinë nga Tropoja ka marrë plagë të rënda dhe po mjekohet në spitalin e Traumës.
Ditën e sotme policia ka njoftuar masën e arrestit ndaj Arlind Mihaj, drejtuesit të mjetit ‘Benz’. Mihaj i cili aktualisht ndodhet i shtruar në spital, akuzohet si shkaktar i aksidentit të rëndë ku vdiqën babë e bir të familjes Prenga.
Ndërkohë që nga hetimt paraprake dyshohet se shkak është parakalimi i gabuar dhe shpejtësia e lartë. Familja Prenga po udhëtonte nga fshati Rrilë i Lezhës në drejtim të Mirditës për të takuar dajat e bashkëshortit të saj. Ndërsa për pak ditë do të shkonin të gjithë në Itali, ku ishin zhvendosur prej disa muajsh.
